Málssóknin gegn Bretum vegna hryðjuverkalaganna er í stórhættu.

Ekki vegna þess að það virðist neitt athugavert við slíka málssókn.

Burtséð frá lagakrókum, þá eru allir aðrir en breskir ráðamenn sammála um að beiting þessara laga hafi verið óforskömmuð og siðlaus.

Og skaut í kaf eina björgunarbátinn sem íslenska bankakerfið átti, altso Kaupþing.

En það er víst vegna sinnuleysis sem málssóknin er í hættu.

Íslensk stjórnvöld senda ekki breskri lögmannsstofu þau gögn sem hún þarf á að halda til að undirbúa málarekstur.

Og frestur til að fara í mál er að renna út.

Íslensk stjórnvöld munu ábyggilega halda því fram að þau séu önnum kafin við "björgunarstörf" ...

En verði það niðurstaða að ekki verði farið í mál út af sinnuleysi ríkisstjórnarinnar, þá vona ég að einhver fari í mál við ríkisstjórnina.

Spurning hve miklu stjórnvöld mega klúðra áður en þau fara að baka sér stórfellda skaðabótaábyrgð.