Klúðrið í kringum rannsókn KPMG á Glitni sýnir furðulegt hugsunarleysi flestra sem að því máli komu.

Ekki hvarflar að mér annað en endurskoðendur KPMG hafi unnið að sinni rannsókn af fyllsta heiðarleika. En það átti ekki að setja þá í þessa aðstöðu.

Létu þeir sér ekki detta það í hug sjálfir?

Og fyrirgefðu, Björgvin G. Sigurðsson, en það fer að verða hægt að fylla dágott kver með öllu því sem þú "vissir ekki".

Þú vissir t.d. ekki að Baldur Guðlaugsson ætti umtalsverðan hluta í Landsbankanum þegar þið fóruð að funda með Bretum um málefni bankans.

Auðvitað stóð það fyrst og fremst upp á Baldur að segja þér frá því, en mér hefði samt ekki þótt neitt athugavert við að bankamálaráðherrann væri með á hreinu  hverjir ættu hluti í stóru bönkunum þremur.

Til að vita af og forðast hagsmunaárekstra.

Og nú síðast sagðist þú ekki haft hugmynd um að stjóri KPMG og stjóri leifanna af FL Group væru feðgar.

Björgvin minn!

Svonalagað átt þú að vita.