Eitt af því helsta sem þarf að gera eftir þá umbyltingu íslensks stjórnmálalífs sem í hönd fer (ef einhver dugur er í þjóðinni) er að styrkja mjög Alþingi gagnvart framkvæmdavaldinu, þ.e.a.s. ríkisstjórninni.

Svo þingmenn líti á sig sem auðmjúka þjóna þjóðarinnar, ekki þýlynda þræla ráðherranna.

Ef þingmenn hefðu haft bein í nefinu undanfarin ár og misseri hefði áreiðanlega ekki farið jafn illa í íslensku samfélagi og nú er raunin.

Það væri gaman að fá svolítið skýrar og raunhæfar tillögur um hvernig þetta yrði best gert.