Þetta er sönn saga:
Roskinn maður hringdi fyrir fáeinum dögum í Glitni og talaði við þjónustufulltrúa. Hann sagðist ekki lengur geta borgað myntkörfulánið sem hann hefði tekið með milligöngu bankans.

Hann kvaðst eiga fimm milljónir í peningabréfum í bankanum og bað nú þjónustufulltrúann vinsamlega að taka þá peninga og láta myntkörfulánið hverfa í eitt skipti fyrir öll.

Þjónustufulltrúinn ræskti sig, hummaði og ha-aði.

"Sko, þessar fimm milljónir í peningabréfum, þær eru sko ... ja, þær eru ekki lengur ... sko, þetta er bara ekki hægt, því miður. Þessar milljónir voru sko í Gamla Glitni."

"Það er allt í lagi," sagði maðurinn, "það var líka hann Gamli Jón sem tók þetta lán."