Eitt er skrýtið.
Við héldum að Geir Haarde væri svo skynsamur.

Sitthvað mætti upp á hann klaga, eins og gengur, en skynsamur væri hann þó.

Nú er aftur á móti ljóst að Geir er frekar óskynsamur.

Og kannski rúmlega það.

Hann skilur í fyrsta lagi ekki hve stórkostlegt tjón hann hefur gert íslensku þjóðinni með því að hafa ekki látið undan látlausum kröfum um að Seðlabankastjóra yrði sagt upp.

Látum það nú samt vera.

Það mun bara taka íslensku þjóðina fimm ár eða svo (kannski tíu) að vinna sig út úr þeim mistökum Geirs.

Við gerum það með glöðu geði fyrir þá Geir og Davíð, eða hvað? Gömlu góðu menntaskólaklíkuna, ha?

En í öðru lagi skilur Geir ekki að hver dagur sem líður án þess að hann víki burt Seðlabankastjóranum burt sýnir ótrúlega pólitíska vanhæfni.

Og kveikir æ meiri efasemdir um að hann sé rétti maðurinn til að leiða Íslendinga eitt eða neitt. Því hann er augljóslega ekki mjög skynsamur, þegar öllu er á botninn hvolft.

Kannski fari að styttast mjög valdatíð Geirs.

Arftaki hans alla vega mjög tilbúin.