Ég skal viðurkenna að ég er alveg skítlogandi hræddur við að eitthvað komi fyrir í Bandaríkjunum og John McCain verði kosinn forseti.

Vitaskuld er Barack Obama enginn mannkynsfrelsari. Kjör hans mun ekki breyta neitt voðalega miklu. Ekki fyrsta kastið, að minnsta kosti, og kannski aldrei.

En það væri svo skelfileg tilhugsun að vakna á miðvikudagsmorgun og komast að því að Repúblikanaflokkurinn í Bandaríkjunum gæti ráðskast með heiminn í fjögur ár enn, að ég get eiginlega ekki hugsað það til enda.

Það væri svona eins og punkturinn yfir i-ið í öllu volæðinu.