Bráðfyndin verður hún að kallast, sögusögnin um að Sigurður Einarsson sé að bauka við að kaupa Kaupþing í Lúxembúrg fyrir Gaddafí Líbýuforseta!

Auðvitað veit ég ekkert hvort eitthvað er hæft í þessu.

En þetta er svona sögusögn sem hefði fyrir ekki svo löngu síðan verið stimpluð sem varla tæk í farsa eða Spaugstofuna á vondum degi, en hljómar nú ekkert ósennilegri en margt annað sem við heyrum og fréttum þessa dagana.

Gaddafí Líbýuleiðtogi hefur hingað verið í hópi þeirra manna sem verst orð höfðu á sér á Vesturlöndum.

Nú er aftur á móti svo komið að ef hann er kominn í makk með íslenska útrásarvíkingnum má segja að skrattinn hitti ömmu sína.