Undanfarið hefur æ meira borið á röddum sem spyrja: Af hverju má ekki afnema kvótakerfið?

Kvótakerfinu var komið á, að því er sagt var, til að vernda og byggja upp fiskistofna.

Það mistókst gersamlega, eins og við vitum.

Upp á síðkastið hefur kvótaféð verið matador-peningar fyrir bankana og útrásarvíkinga.

Nú eigum við rétt á því að fá að vita kostina og gallana við það einfaldlega að leysa upp kvótakerfið.

Margir munu náttúrlega sjá á því hina hroðalegustu meinbugi.

En það er algjört lágmark að fá að vita eitthvað konkret. Ekki láta umræðuna gerjast í skúmaskotum, án þess að okkar elskulegu ráðamenn taki nokkurn þátt í henni.

Kvótakerfið hefur verið heilög kýr í íslenskri umræðu undanfarin ár. Má fara sínu fram eins og henni sýndist.

Nú þarf að beisla kúna og gá hvort hún kemur ennþá að gagni.

Eða hvort rétt sé að slátra henni.