Í þættinum Sjálfstætt fólk kom fram, skilst mér, að Geir Haarde ætti ekki í nokkrum vandræðum með nætursvefn.

Það er ekki skrýtið.

Geir kippir sér ekki upp við smámuni.

Svo fremi sem þeir koma fyrir annað fólk.

Geir sagði sama brandarann tvisvar í gær.

Fyrst í umræðum á Alþingi, síðan í sjónvarpsfréttum eftir fundinn í Háskólabíói.

Ef brandara skyldi kalla.

Sko, þegar honum fannst einhverjir vilja tala um of í nafni þjóðarinnar, þá minnti hann á að hér hefði nú einu  sinni verið dagblað sem hét Þjóðviljinn.

Og glotti, hohoho.

Merking "brandarans" var að það væri nú ekki mikið meira að marka "þjóðviljann" nú en gamla kommúnistaruglið í Þjóðviljanum í gamla daga.

Enn eitt dæmið um viðleitni ráðamanna til að gera lítið úr reiði fólks.

Enn eitt dæmið um að Geir skilur EKKERT hvernig fólkinu í þessu landi líður.

Ég trúi því alveg að hann sofi mjög vel um nætur.