Af því ég var að tengja frönsku byltinguna við ástandið á Íslandi áðan:

Sú byltingin hófst vegna fjármálakreppu og fjármálaóreiðu. Bruðl yfirstéttarinnar var punkturinn yfir i-ið, því alþýðan sá að yfirstéttin hafði engan áhuga á nauðum hennar.

Heldur vildi bara halda áfram að leika sér í gosbrunnunum úr gulli.

Fólkið heimtaði nýtt stjórnarfar.

Sá spillti og getulausi kóngur, Loðvík 16., taldi að hann væri einmitt rétti maðurinn til að leiða þjóðina út úr óförunum.

Það kæmi ekki til mála að skipta um hest í miðri á.

Björgunarleiðangurinn stæði yfir.

Slökkvistarfið væri i fullum gangi.

Og svo framvegis.

Hljómar þetta nokkuð kunnuglega?