Áðan fór ég í sund með níu ára syni mínum og vini hans.

Ég fór náttúrlega beint í heita pottinn en þeir út í laug að leika sér.

Nokkru seinna var ég á leið í gufubaðið þegar drengurinn kallaði til mín úr lauginni.

"Sjáðu, pabbi, sjáðu!"

Þeir héngu þá báðir í hringlaga plastskífu, allstórri, sem þó var að sökkva smátt og smátt undan þunga þeirra.

"Sjáðu, pabbi!" kallaði drengurinn. "Þetta er síðasta íslenska krónan."

Svona leika börnin sér á Íslandi í nóvember 2008.