Í fyrragær sendi ég þingmönnum ríkisstjórnarflokkanna póst með tveimur einföldum spurningum.

Hvort þeir styddu (eða væru ánægðir með) annars vegar Seðlabankastjórnina, og hins vegar yfirstjórn Fjármálaeftirlitsins.

Spurningarnar voru að sjálfsögðu í framhaldi af því að það vekur óendanlega furðu ekki aðeins hérlendis heldur ekki síður í útlöndum að fólkið á þessum póstum skuli vera enn við störf, eftir mikilfenglegasta peningahrun vestræns ríkis í sögunni.

Aðeins tveir þingmenn hafa hingað til mátt vera að því að svara.

Þó kvarta þingmenn sjálfir iðulega undan því að hafa lítið að gera og á Edduverðlaunahátíðinni áðan líkti Ágúst Ólafur varaformaður Samfylkingar Alþingi við Latabæ, ef ég skildi hann rétt.

Auðvitað í hálfkæringi, en samt!

En ég lofaði að birta svör þeirra þingmanna sem gæfu skýr svör.

Ellert B. Schram segir einfalt og gott "nei" við báðum spurningum.

Ragnheiður Ríkharðsdóttir minnir á að hún hafi áður sagt að bæði Seðlabankastjórnin og yfirstjórn FME eigi að víkja.

Þá er því til skila haldið. En enn veit ég ekki hvað öðrum þingmönnum finnst.