... og fara með niður á Austurvöll klukkan þrjú.

Það verður í fyrsta sinn á ævinni sem ég held á mótmælaspjaldi.

Aldrei kunnað við það, þó ýmsa mótmælafundi hafi ég mætt á gegnum tíðina.

Ég hugsa að ég máli: "Geir er gagnslaus" á spjaldið mitt.

Hann er svo ótrúlegur sleði og hrokagikkur í senn. Mótmælin verða að fara að snúast gegn honum.

Það er annars óðum að birta yfir hér í Reykjavík, og ætlar að viðra vel til mótmæla.

Ég endurtek bara það sem ég skrifaði í gær eða fyrradag, hver sá sem á í rauninni heimangengt en mætir ekki, hann er í reynd að lýsa stuðningi við spillt valdakerfið.

- - - -

Fundurinn var góður. Góðar og kjarnyrtar ræður.

Eftir fundinn fór ég með mótmælaspjaldið mitt að stjórnarráðinu og lagði það snyrtilega við dyrnar handa Geir.

Það leið varla nema mínúta, þá var húsvörður búinn að kippa því úr augsýn inn í húsið.

Það skal tekið fram að spjaldið var gjöf til Geirs og ég ætlast því til þess að viðkomandi húsvörður færi honum það, en hendi því ekki bara í ruslið.