Árni Snævarr skrifar bloggpistil á Eyjuna undir fyrirsögninni "Loksins, loksins" um þá mikilfenglegu ákvörðun Geirs Haarde að stofna nefnd til að ... osfrv.

Og hann segir að nú verði "spennandi" að sjá viðureignina við "Heimastjórnarmennina" innan Sjálfstæðisflokksins - Davíð, Björn Bjarnason, Hannes Hólmstein.

Pistill Árna er ágætur en á misskilningi byggður, held ég, sem stafar af því að hann hefur verið svo lengi í útlöndum.

Hann gerir sér því ekki grein fyrir því að hér á landi er nú svo komið að öllum (utan kannski 10 manna klíku og 100 áhangendum) stendur svo hjartanlega á sama um hvað Hannesi Hólmsteini eða Birni Bjarnasyni finnst um lífið og tilveruna.