Bloomberg-fréttastofan er, eins og fleiri, að furða sig á því að eftir mesta fjárhagshrun sem eitt land hefur mátt þola séu allir sem báru ábyrgðina enn á sínum stöðum í kerfinu.

Menn hrista auðvitað hausinn út af þessu um allan heim.

"Aðgerðir [Davíðs Oddssonar] og ummæli á síðustu vikum og mánuðum hafa gert það að
verkum að fjöldi erlendra stórblaða hefur birt greinar sem hæðast að
honum og hæðast í leiðinni að íslensku þjóðinni."

Þetta voru ekki mín orð. Þetta skrifaði hagfræðidoktor frá Harvard og lektor við Columbia-háskóla, og gjarnan einn helsti efnahagsráðgjafi Geirs Haarde: Jón Steinsson.


Og þetta á ekki minnsta þáttinn í öllum þeim lokuðu dyrum sem við höfum mætt þar sem við höfum dúkkað upp með betliskálina okkar.

Lars Christiansen, sérfræðingur hjá Danske Bank, furðar sig t.d. á því í viðtali við Bloomberg að Úkraína, eitt spillasta land í heimi, skuli hafa fengið alla heimsins fyrirgreiðslu hjá Alþjóðagjaldeyrissjóðnum en við ekki.

Auðvitað dugar ekki að kenna bara vondum Bretum og Hollendingum um það.

Það er líka okkur sjálfum að kenna.

Við verðum að horfast í augu við að umheimurinn lítur svo á að við séum enn spilltari en Úkraína.

Og er endilega víst að það sé rangt mat?

Nema við gerum eitthvað í málinu, og það strax!

Hver sá sem EKKI MÆTIR á fundinn á Austurvelli á morgun, er í raun að lýsa stuðningi við hin spilltu stjórnvöld Íslands.