Annað dæmi um hvað kreppan er frek og hefur nú þegar troðið sér í hvern krók og kima:

Níu ára sonur minn hefur verið með allslæma gubbupest síðan í gærkvöldi og þar sem ég lá og mókti í stofusófanum í nótt, milli þess sem ég hjálpaði honum gegnum nýja hrinu, þá var mig farið að dreyma eintóma endemis vitleysu þar sem dýpt uppkastanna kom fram á línuriti í sjónvarpinu, og hagfræðingar ræddu fjálglega hvaða hita drengurinn væri líklegur til að fá.

Ég hefði kosið bara venjulega gubbupest, takk fyrir.