Stjórn fulltrúaráðs Sjálfstæðisflokksins á Akranesi hefur ályktað að Davíð Oddssyni Seðlabankastjóra beri að víkja.

Þetta þykir ógurlega merkilegt vegna þess að á Akranesi er innsti koppur í búri Sjálfstæðisflokksins systir Ingu Jónu eiginkonu Geirs Haarde.

Þetta eiga sem sagt að vera leynd skilaboð til Davíðs um að Geir Haarde styðji hann ekki mikið lengur.

Mér verður eiginlega illt.

Í hrunadansinum hér, þarf Sjálfstæðisflokkurinn enn að fara krókaleiðir undir rós?

Hvað heldur þessi flokkur að hann sé?


- - -

Síðari tíma viðbót:

Athugið að mér þykir ekkert að sjálfri ályktun sjálfstæðismannanna á Akranesi. Hún er góðra gjalda verð og mættu fleiri sjálfstæðismenn taka sér Skagamenn til fyrirmyndar.

Ég var fyrst og fremst að agnúast út í að enn skuli sú Kremlarlógía viðgangast í þessu kremlarlausa landi að Sjálfstæðisflokkurinn þurfi að fara einhverjar undarlegar krókaleiðir til að segja sannleikann.

Í þessu tilfelli um Seðlabankastjórann.