Hvað á það að þýða hjá samtökunum Nýjum tímum að nota þennan fána?

Samtökin breyttu fyrsta merki sínu eftir að bent var á fasísk element í þessum samtvinnuðu hnefum, en þessi nýja útgáfa er ekki mikið skárri.

Íslenski fáninn gerir eiginlega illt verra.

Þjóðernissinnaflokkur Íslands á fjórða áratugnum hefði með mestu ánægju marserað undir þessu flaggi.

Er allt heila málið kannski bara brandari hjá sumum þeim myndlistarmönnum sem koma nálægt samtökunum?

Listaverk - eins og útrásin?

Alla vega er þetta í senn óskemmtilegt og ljótt.

Út í hafsauga með þessa dulu, ef þið viljið láta taka ykkur alvarlega!