Það var gott hjá Alþingi að fækka ráðuneytum í átta. Ég hef árum saman mælt fyrir fækkun ráðuneyta, og það hafa margir aðrir gert, og nú er málið loksins í höfn.

Hitt finnst mér lakara, að nöfn fjögurra af hinum nýju ráðuneytum eru óþarflega löng og stirð frá mínum bæjardyrum séð.

Hér er tillaga að styttingu.

    Forsætisráðuneytið er í lagi
    Atvinnuvega- og nýsköpunarráðuneytið ætti heldur að heita Atvinnuvegaráðuneytið
    Fjármála- og efnahagsráðuneytið ætti að heita Fjármálaráðuneytið
    Innanríkisráðuneytið er í lagi
    Mennta- og menningarmálaráðuneytið ætti að heita Menntmálaráðuneytið
    Umhverfis- og auðlindaráðuneytið ætti að heita Umhverfisráðuneytið
    Utanríkisráðuneytið er í lagi
    Velferðarráðuneytið er í lagi