Þjóðkunnur sjálfstæðismaður af gamla skólanum tók mig afsíðis á mannamóti fyrir skömmu og sagði við mig:

Þorvaldur minn, þú gerir þér vonandi grein fyrir því, að þjóðaratkvæðagreiðslan um frumvarp Stjórnarlagaráðs verður blásin af. Hann bætti við, að tækist svo slysalega til, að atkvæðagreiðslan færi fram, þá yrði hún fundin marklaus eða dæmd ógild.

Er viðtal Morgunblaðsins við Sigurð Líndal prófessor í dag upptakturinn að slíkri atburðarás?

Ég held ekki. Atkvæðagreiðslan verður að fara fram. Úrslit hennar verða virt.