Villa slæddist inn í grein Guðna Th. Jóhannessonar sagnfræðings um Kristján Eldjárn forseta Íslands í Fréttablaðinu í gær. Guðni segir þar alla ráðherra viðreisnarstjórnarinnar hafa stutt Gunnar Thoroddsen í forsetakjörinu, en það er ekki rétt. Hvorki Emil Jónsson utanríkisráðherra né Gylfi Þ. Gíslason menntamálaráðherra studdu Gunnar Thoroddsen. Þeir Emil og Gylfi gættu þess vandlega að gefa ekkert upp um afstöðu sína til frambjóðenda. Viðreisnarráðherrarnir, sem studdu Gunnar, voru sjálfstæðisráðherrarnir fjórir og Alþýðuflokksráðherrann Eggert G. Þorsteinsson félagsmálaráðherra. Ég man þetta vel, var á staðnum.