Undanfarin ár hafa margir Íslendingar flutt til Noregs og fleiri draumalanda. 40 prósent Íslendinga hafa íhugað að flytja úr landi síðasta árið eða svo, samkvæmt könnun í nóvember í fyrra. 

Stór hluti þjóðarinnar trúir því að grasið sé grænna hinum megin við hafið. En það er tálsýn. Ísland er nefnilega besta land í heimi. Hér eru 13 ástæður:

1. Þótt þú hafir dyrnar að sumarbústaðnum þínum opnar þarftu ekki að óttast að skógarbjörn komi í heimsókn.

2. Þótt þú leggist í grasið eða gangir í skóginum þarftu ekki að óttast að „skógarmítill“ bíti þig og bori sig inn í líkama þinn, og beri með sér „lyme-disease“ sem veldur síþreytu.

3. Þegar kjarnorkustríðið kemur mun enginn nenna að sprengja Ísland.

4.  Eitt mesta vandamál mannkyns, gróðurhúsaáhrifin, hljóma eins og draumur í dós á Íslandi.

5. Hættulegasta dýr Íslands er geitungurinn.

6. Íslenska mýflugan er eins og kelinn kettlingur í samanburði við moskítóflugur annars staðar.

7. Prumpulyktin af heita vatninu hér er ekki vegna saurmengunar.

8. Alvarlegasta hryðjuverkaárásin á Ísland og íslenska menningu var sjónvarpsþátturinn Nonni sprengja á Skjá Einum árið 1999.

9. Síðasta stríð á Íslandi var fyrir átta öldum. Það voru notuð bitlaus sverð og grjót.

10. Þegar Íslendingar lentu í átökum við erlenda stórþjóð, í þorskastríðinu, þóttum við svo litlir og krúttlegir að þeir vildu ekki skjóta á okkur.

11. Það þarf ekki nema 14 gráðu hita til að búa til bongóblíðu á Íslandi.

12. Forsætisráðherrann býr í fjölbýlishúsi, eins og hinir.

13. Ísland er krúttland. Mesta deilan í þjóðfélaginu snýst um hver sé besta sameiningartáknið.