Spyrjum Erró

(Ort í tilefni 17. janúar 2009)

Hvers vegna skyldu þeir ekki

mega vera valdasjúkir,

ef þeir láta okkur í friði?

Hvers vegna skyldu þeir ekki

mega naga æruna af fólki,

ef þeir láta okkur í friði?

Hvers vegna skyldu þeir ekki

mega hlusta á Kammersveit Reykjavíkur,

ef þeir láta okkur í friði?

Hvers vegna skyldu þeir ekki

mega fá dómarasæti,

ef þeir láta okkur í friði?

Hvers vegna skyldu þeir ekki

mega viðra sig í ráðherrabústaðnum á Þingvöllum,

ef þeir láta okkur í friði?

Hvers vegna skyldu þeir ekki

mega gefa ríkisbankana,

ef þeir láta okkur í friði?

Hvers vegna skyldu þeir ekki

mega narra almenning til hlutabréfkaupa í De Code,

ef þeir láta okkur í friði?

Hvers vegna skyldu þeir ekki

mega svala fíknum sínum og stunda fjárhættuspil,

ef þeir láta okkur í friði?

Hvers vegna skyldu þeir ekki

mega falsa fréttir,

ef þeir láta okkur í friði?

Hvers vegna mega þeir ekki

siga lögreglunni á saklaust fólk,

ef þeir láta okkur í friði?

Hvers vegna skyldu þeir ekki

mega missa völd sín,

ef þeir láta okkur í friði?

---

En vildum við að þeir

létu okkur í friði?

Spyrjum lögreglustjórann, spyrjum

hina innvígðu, spyrjum

úthlutunarnefnd listamannalauna,

spyrjum Erró!