Arnar í VIN er góður maður. Nú er hann að hætta í VIN eftir 13 ára starf.  Arnar er fyrir miðri mynd, ásamt félögum úr VIN.

Í VIN hefur hann byggt upp eitt skemmtilegasta og flottasta skákfélag landsins -- með fjölbreytta félaga flóru og feyki skemmtileg skákmót. Hann hefur leitt félagið frá upphafi - auk þess að hafa farið ellefu sinnum til Grænlands að kenna grænlenskum börnum að tefla. 

Á morgun klukkan 16:00 verður haldið skákmót á Ingólfstorgi honum til heiðurs. Vegleg verðlaun frá Stofunni sem er veitingastaður rétt við Ingólfstorgið.

Mætum og heiðrum kappann - Arnar Valgeirsson og hans líkir eru ein af auðlindum Íslands. Maður sem vinnur sín verk í þegjanda hljóði, hógværðin uppmáluð og verkin látin tala.