Be Iceland er app fyrir Android og iOS hannað af Stokkur Mobile Software. Hægt er að finna gistingu, veitingastaði og fá upplýsingar um hinar ýmsu náttúruperlur á Íslandi með appinu. Viðmótið er á ensku og því greinilega miðað á útlendinga en gæti hæglega nýst Íslendingum líka.

Forsíða

„Feature“ er sjálfvalinn flipi þegar appið er opnað og birtir lista yfir gistingu og veitingastaði á öllu landinu.

Gisting

Undir „sleep“ flipanum er hægt að velja tegund gistingar en appið býður upp á að velja hótel, hostel eða tjaldsvæði. Staðirnir birtast í lista og eru í réttri röð út frá því hvaða staður er næstur þér en einnig er hægt að velja „map“ og þá sérðu staðsetningu þína og gistingu í nágrenninu á Google Maps. Þegar ákveðinn staður er valinn færðu yfirlit (overview) þar sem skrifað er mjög almennt um staðinn en til þess að fá nákvæmari upplýsingar er „details“ flipinn valinn. Þar er hægt að sjá hversu mörg herbergi eru laus, hvort þráðlaust net sé á staðnum eða sjónvarp, hvert heimilisfangið er og fleira. Einnig er hægt að senda tölvupóst eða hringja á staðinn beint úr appinu sem er mjög sniðugt eða fara á vefsíðu fyrirtækisins. Í sumum tilfellum er hægt að sjá hvaða tíma árs er hægt að fá gistingu og hvenær morgunmatur er framreiddur. Það er svo að sjálfsögðu hægt að sjá staðsetningu undir flipanum „view on map„. Myndir af stöðunum eru frekar litlar koma samt ágætlega út á símtækjum með stóra skjái.

Matur

Það er sama uppsetning á veitingastaða- og gistiflipanum. Myndirnar eru því jafn litlar en það ætti að skipta minna máli þegar fólk er að leita sér að veitingastað frekar en gistingu. Undir „details“ er hægt að sjá opnunartíma sem er líklega það mikilvægasta fyrir veitingastaði. Þessar upplýsingar vantar oft á vefsíður veitingastaða eða er mjög vel falið og því kærkomið að sjá að appið klikkar ekki á þessu. Það er líka fínt að geta séð hvers konar matur er í boði á staðnum og að sjálfsögðu er hægt að sjá símanúmer, netfang, vefsíðu og heimilisfang eins og í gistiflipanum.

Staðir

Undir „Discover“ er hægt að finna áhugaverðar náttúruperlur á Íslandi. Það er að sjálfsögðu ekki neinar upplýsingar um opnunartíma eða símanúmer því það á sjaldnast við. En hér hefði verið flott að hafa stærri myndir af stöðunum.

Be Iceland er flott app en fyrst og fremst mjög nytsamlegt! Flestar umsagnir í Google Play og iTunes eru jákvæðar en sumir kvarta undan því að appið sé að frjósa. Að vísu var það í fyrstu útgáfunni af appinu og er Stokkur nýlega búinn að senda frá sér uppfærslu og því ættu helstu villur sem fylgdu fyrstu útgáfu að heyra sögunni til.

„Appið er síðan alltaf að stækka og stækka og fleiri staðir að bætast inní og við ætlum okkur risastóra hluti“ segir Olgeir Pétursson hjá BeIceland.com en verkefnið virðist mjög metnaðarfullt og því spennandi að fylgjast með framvindu appsins.

Sækja Be Iceland appið

Google Play

iTunes

Simon.is á fleiri miðlum

Í gær birtum við myndir af síma sem virðist vera ný útgáfa af iPhone frá Apple. Myndband af þessu sama símtæki er nú komið á Youtube! Sjón er sögu ríkari.

Simon.is á fleiri miðlum

Appið Lookout er hugsað sem miðstöð öryggis í símanum þínu. Það er ætlað að vernda þín gögn og símann sjálfan. Appið er frekar einfalt í notkun og á ekki að vefjast fyrir neinum um hvernig það í raun virkar. Hérna er listi yfir helstu eiginleika appsins sem eru í fríkeypis útgáfunni.

• Getur staðsett símann með GPS stillingum


• Getur látið símann væla ef þú finnur hann ekki (mæli ekki með því að þetta sé prófað í vinnunni, vakti ekki mikla lukku í minni)


• Skannað eftir vágestum í forritum um leið og þau eru sett upp


• Gert grunn öryggisafritun af gögnum þínum

Síðan eru fleiri möguleikar sem virkjast við það að kaupa sér aðgang.

• Örugg vefskoðun


• Aukið persónuverndar öryggi


• Fjarhreinsun og læsing á símtækinu


• Aukin öryggisafritun

Grunn kostirnir eru í raun það eina sem hinn almenna notenda vantar og í raun líka hinn stærri. Þó maður geti náttúrulega friðað samviskuna með því að kaupa sér stærri aðgang. En hann er á 2.99$ á mánuði eða 29.90$ fyrir árið. En ég mæli með því að fólk sleppi að kaupa aðgang. Enda ekki kannski þörf á því.

Þetta er snilldar app sem gerir allt í grunninn, án þess að þú þurfir að kaupa stækkunina sem er bæði kostur og ókostur fyrir hinn almenna notenda. Kosturinn er sá að appið er það sem manni vantar og maður þarf ekki að dæla inn neinum auka aur fyrir þá þjónustu. Ókosturinn er aftur á móti sá að appið hefur ekki mikla gróða möguleika fyrir framleiðandann og gæti dregið úr áhuga hans uppfæra og halda appinu uppfært.

Stærsti kostur þessa apps er öryggið sem það veitir og því klárlega eitthvað sem allir ættu í raun að hafa í símanum sínum.

Simon.is á fleiri miðlum

Nýjar myndir af næsta iPhone frá Apple láku á netið í dag. Helstu breytingar frá núverandi útgáfu iPhone eru þær að tengið fyrir heyrnartól verður á botni símans, á sömu hlið og nýtt tengi sem verður líklega skipt út fyrir 30-pinna tengið sem Apple hefur notað fyrir iPhone, iPad og iPod undanfarin ár. Skjárinn verður líklega 4″ að stærð en ekki 3,5″ eins og á fyrri iPhone símum. Á myndunum sést svart símtæki en líkegt er að síminn verði fáanlegur í svörtum og hvítum lit eins og nýjasta útgáfa símans, iPhone 4S.

Heimild

iLab Factory

Myndir

The Verge

Simon.is á fleiri miðlum

Tímaritið Reykjavík Grapevine stendur fyrir appinu Happy Hour. Appið er einfalt og sýnir hvaða barir og veitingastaðir bjóða uppá Happy Hour og hvenær.

Mismunandi er hvenær og hvaða daga veitingastaðirnir bjóða drykki á lægri verði en ella. Þetta er listi sem er mjög mikilvægt að hafa meðferðis á góðviðris dögum. Hver segir að það þurfi að vera túristi á Íslandi til að nýta sér hótel barina?

Appið sjálft er mjög einfalt en með allar upplýsingar sem þú vilt ganga að þ.a.s. hvað bjórinn kostar, hvenær tilboðið er og hvað Reykjavík Grapevine finnst um staðinn.

Fyrir drykkjuþyrsta heimshorna flakkara þá er einnig til svipað app til sem hefur fengið fleiri verðlaun og það örlítið betra. Þegar úrvalið er orðið mikið þá viltu geta valið úr stöðum sem eru með útiverönd og í asískum stíl. Næst þegar ferðinni er heitið til New York verður Happy Hour by GoTime notað óspart.

Android útgáfan er hér: https://play.google.com/store/apps/details?id=hbo.appyhour

iOS útgáfan er hér: http://itunes.apple.com/us/app/happy-hours/id303814652?mt=8

Þú getur valið um 25 staði til að skála fyrir Happy Hour klukkan fimm!

Skál – Salut – Cheers!