Þá er komið að henni árlegu NEXPO verðlaunafhendingu sem tilnefnir þá vefi og forrit sem hafa skarað framúr á þessu ári í netheimum Íslendinga. En flokkarnir sem um ræðir eru Vefur ársins, Herferð ársins, Bjartasta vonin, Vefhetja ársins, Áhrifamesta fyrirtækið/vörumerkið á samskiptamiðli, App ársins og Óhefbundnar auglýsingar.

Við bendum dyggum lesendum okkar á að Simon.is er tilnefndur í flokknum bjartasta vonin og vonum að við stöndum undir þeirri tilnefningu.

Kosningin fer svo fram á netinu á vefsvæði visir.is/nexpo en tilnefningarnar eru eftirfarandi.

1. Vefur ársins

• dominos.is


• karolinafund.com


• guidetoiceland.is


• wow.is


• kilroy.is

2. Herferð ársins

• Appelsín í allt sumar – Ekta íslensk upplifun


• Víking – #jolabjor


• Boli – bjórrallý


• Dominos – dominos.is


• Vodafone – jólaherferð

3. Bjartasta vonin

• Simon


• Tjarnargatan


• Stokkur


• Greenqloud


• Karolinafund

4. Áhrifamesta fyrirtækið á samskiptamiðlum

• Vodafone


• Dominos


• Nova


• Lögreglan


• Frú Lauga

5. App ársins

• Dominos


• Airwaves


• Stjörnur


• Appy hour


• Kinwins

6. Óhefðbundin auglýsing

• Boli Málaðar beljur


• Vodafone Snjallkaup á Laugaveginum


• Vitaminwater Þjóðhátíð blásin af


• Egils Appelsín Esjan


• Vodafone #12stig

Mér þykir fátt skemmtilegra en að spila NBA2k13 einn, á netinu eða með vinum mínum.  Í nýjasta leiknum er gjaldmiðillsem kallast Virtual Credit eða VC.

Þessi gjaldeyrir er notaður til að gera leikmanninn þinn betri eða liðið sem þú spilar með á netinu. Ég klikkaði þó á þessu og notaði allan þann pening sem ég átti í að gera leikmanninn minn betri áður en ég áttaði mig á þessu. Þegar ég ætlaði að fara að spila á netinu og gera liðið mitt betra fór ég að pirra mig á því hversu lengi maður er að safna þessum peningum. Ég rakst þá á þetta app á heimasíðu leiksins. Hægt er að græða allt að 1.000 VC á hverjum degi.

Notandinn þarf að logga sig inn með NBA2k13 aðganginum þegar maður kveikir á appinu.

Þegar komið er inn í það er boðið upp á þrjá valmöguleika.

MyCareer: Inni í þessum valmöguleika eru 11 undirmöguleikar.

10 mini leikir þar sem hægt er að vinna inn VC og „krafta“ sem hægt er að nota á liðið sitt þegar spilað er á netinu.

Vinningarnir eru misgóðir eftir leikjunum og árangrinum

Team Loyality: Eftir að hafa spilað eitthvað með leikmanninum þínum færðu spurningar um liðið þitt. Þrjár spurningar.

Autograph Signing: Þú hefur X tíma og þarft að reyna að ná að gefa sem flestum eiginhandaráritun.

History of the Game: Fimm spurningar um sögu NBA

Film Study: Þú horfir á sókn spilaða og þarft svo að endurgera hana.

Mini-Bowl: Keila með fyrirstöðum

Trick Shot: Þú raðar upp mismunandi hlutum til þess að fá boltann til að fara ofan í.

Team Defense: þú raðar upp mönnunum þínum til að stoppa sóknina, þú hallar símanum þínum til að fá þá til að fara í rétta átt.

Shootaround: Þú skítur boltanum í átt að körfunni og reynir að ná bónus stjörnunum sem eru þar.

Free Throw Practice: Þú skýtur körfuboltum, keilukúlum og strandboltum að körfunni.

Dribble Course: Þú þarft að láta leikmanninn fara rétta leið án þess að rekast í ósýnilegu keilurnar. Þú færð þó að sjá hvar þær eru áður en þær hverfa.

MyStats: Tölfræðina fyrir leikmanninn þinn. Færð ekkert úr þessu, bara gaman að geta séð þetta eða sýnt öðrum. Ekki að ég hafi prófað það….ennþá.

My Team: Hérna geturu skoðað liðið þitt og stillt því upp og spilað leiki þar sem notast er við eiginleika leikmannanna sem þú hefur leyst út í leiknum sjálfum.

2k News: Hægt að fylgjast með fréttum úr leiknum.

Appið er frítt og til fyrir Android og iPhone síma sem og iPad

Það er nóg að frétta úr herbúðum Samsung þessa dagana, ekki bara fréttir um Galaxy S4 heldur voru þeir einnig að gefa út stiklu fyrir Superbowl auglýsinguna sína. Super Bowl auglýsingar eru að margra mati skemmtilegri en keppnin sjálf og keppast fyrirtæki við að vera með skemmtilegustu auglýsingarnar. Auglýsingin frá Samsung fjallar um að Seth Rogen og Paul Rudd skjóta tillögum að auglýsingum til Samsung, en mega þó ekki nota nöfn á neinum liðum eða Superbowl.

Það mun koma lengri útgáfa af auglýsingunni í keppninni sjálfri sem og áður óséð efni í kringum auglýsinguna sjálfa. Samsung menn eru að hvetja fólk til þess að nota #TheNextBigThing með því að gefa gjafir til þeirra sem nota það, en þetta er nýjasti liðurinn í samfélagsmiðla herferð þeirra.

[Heimild: Mashable]

Það hefur vafalaust ekki farið framhjá neinum að Stokkur var að gefa út atvinnuleitar-appið Alfreð. Fyrir þá sem ekki vita er Alfreð nýtt app sem er ætlað til að auðvelda fólki atvinnuleitina. Hugmyndin er mjög góð og það er ekki til neitt sambærilegt app á íslenskum markaði. Appið lítur ágætlega út, teiknimyndafíguran Alfreð er skemmtilegur í útliti og manni alltaf innan handar.

Þegar appið er opnað fer maður beint í lista yfir þær atvinnuauglýsingar sem eru í boði. Það er hægt að fletta í gegnum þær allar eða skoða þær eftir flokkum. Flokkarnir eru ófáir og ættu allir að finna eitthvað við sitt hæfi. Það er strax mikill fjöldi af auglýsingum í appinu, en þegar þessi grein var skrifuð voru þær í heildina 124. Appið er mjög auðvelt í notkun og auðvelt að fletta í gegnum auglýsingarnar. Þegar auglýsing er skoðuð fær maður ítarlegar upplýsingar um hana og er hægt að velja um að fá áminningu 2 eða 4 dögum áður en umsóknarfresturnin rennur út. Ef blaðauglýsing er til fyrir þá auglýsingu sem er skoðuð er hægt að smella á takka og fá hana upp á skjáinn. Hægt er að sækja um starfið beint úr  appinu ef maður er með ferilskránna inni á símanum með því að smella á það netfang sem gefið er upp í auglýsingunni.

Eitt það besta sem appið býður upp á er ‘Vaktin mín‘ , en þar er hægt að merkja við hvaða störf maður hefur áhuga á og þá birtist tilkynning þegar nýtt starf er skráð í flokkinn. Flokkarnir eru mjög margir og er þetta klárlega það sem fólk mun helst nýta sér. Appið býður einnig upp á ráðgjöf, sem er greinasafn með ýmsum góðum ráðum fyrir atvinnuviðtöl og gerð ferilskrár.

Appið er einfalt og þægilegt, gerir nákvæmlega það sem það ætlar sér og tekst það vel. Það eina sem ég hef að kvarta yfir er að það mætti vera örlítið fínpússaðara á Android þar sem að maður tekur eftir svolitlu hökti við að fá upp valmyndir eða þegar maður er að fletta í gegnum auglýsingar. Appið er engu að síður mjög gott og nothæft. Ég sé fyrir mér að margir munu notfæra sér þetta app við atvinnuleitina og það er bara að vona að fyrirtæki sem eru að auglýsa eftir starfskrafti notfæri sér þennan miðil.

Sækja Alfreð á Android eða iOS

Simon kíkti nýlega í heimsókn í Samsungsetrið og fékk að skoða Samsung Surface borðið sem er þar til sýnis. Borðið er mjög magnað tæki, það er 40″ á stærð og skartar 1920×1080 díla upplausn. Borðið er með Windows 7 stýrikerfinu og er uppfæranlegt í Windows 8. Það ræður  við allt að 50 snertingar í einu og því geta margir notað það á sama tíma. Samsungsetrið var nýlega búið að fá borðið og því voru engin öpp á því önnur en Bing-leitarappið og stjörnukort. Með hverju seldu borði fylgir SDK (Software Development Kit) og getur því kaupandinn hannað sín eigin öpp fyrir borðið.

Tækið er ekki fyrir hvern sem er, enda kostar það 1,4 milljónir króna og er aðallega hugsað til stærri fyrirtækja. Borðið gæti hentað sérstaklega vel á bílasölu, þar sem hægt væri að sjá bílinn, skipta út litnum, breyta felgum og fleira í þeim dúr. Borðið gæti einnig hentað vel á flottum bar eða í spilavíti því hægt er að setja ýmsa leiki á það eins og t.d. þythokkí eða ýmis fjárhættuspil. Borðið er enn sem komið er ekki komið í nein fyrirtæki eða heimili á Íslandi, en samkvæmt okkar heimildum eru  mörg fyrirtæki mjög áhugasöm um borðið og er Samsungsetrið að leita að forritara til þess að sérhanna öpp fyrir borðið.

Upprunaleg færsla á Símon.is