Það hefur verið gagnrýnt töluvert að ekki sé til forrit frá Instagram fyrir Windows Phone. Það hafa komið mörg öpp frá ýmsum framleiðendum í Microsoft Store en ekkert sem hefur gefið notendum fulla virkni á þeim kostum sem Instagram býður uppá.

Simon hefur prófað mörg af þessum öppum en ekki fundið nothæft app sem gerir sambærilega hluti og við þekkjum af Android eða iOS. Þetta hefur nú breyst til batnaðar eftir að Itsdagram var uppfært.

Appið virkar mjög vel á Windows Phone 8 og kostar aðeins 249 kr

Við hjá Simon erum mjög ánægð með Itsdagram og mælum með því að Windows Phone 8 notendur prófi þetta skemmtilega app.

Hér er hægt að sækja appið

Google hefur nú sameinað helstu mynd- og skilaboða þjónustur sínar undir eina þjónustu sem kallast Google Hangouts. Í stað þess að bjóða upp á nokkrar þjónustur sem þjóna svipuðu hlutverki hefur Google sett allt undir sama hatt.

Google Hangouts er fáanlegt sem app fyrir bæði Android og iOS en einnig sem viðbót við Chrome vafrann. Með þjónustunni er hægt að spjalla með textaskilaboðum svipað og í Facebook Messenger eða Whatsapp en einnig er hægt að hringja myndsímtöl eins og á Skype. Kosturinn við þjónustuna er að hún er frí en fyrir sambærilega þjónustu fyrir hópsamtöl á Skype þarf að greiða mánaðargjald. Skilaboðin eru samræmd (e. synced) milli tækja sem þýðir að þú getur hafið samtal í tölvunni og lokið því í símanum eða spjaldtölvunni.

Sækja Hangouts fyrir Android

Sækja Hangouts fyrir iPhone/iPad

Sækja Hangouts sem Chrome viðbót

Eins og við sögðum frá í fyrradag er hin árlega Google I/O ráðstefna haldin þessa viku í San Francisco.

Meðal þess sem var kynnt eru endurbætur á Google Music þjónustunni sem er núna komin í beina samkeppni við tónlistarveitur á borð við Spotify og Rdio. Þjónustan kallast Google Music All Access og eins og áður geta notendur hlaðið sinni eigin tónlist inn á Google Music en þar að auki veitir Google aðgang að stóru tónlistarsafni svipað og Spotify. Þjónustan er að vísu ögn takmarkaðri en Spotify að því leyti að þjónustan er einungis virk í vafra og sem Android app.

Google Music fær uppfærslu

Þjónustan kostar $9.99 á mánuði en er ekki í boði á Íslandi eins og er.

Sækja Google Music fyrir Android

Google I/O ráðstefnan var að hefjast rétt í þessu og hægt er að fylgjast með beinni útsendingu á Youtube. Meðal þess sem við getum búist við að verði kynnt er ný útgáfa af Android, ný yfirhalning á Google Maps og vonandi nýjar fréttir af Google Glass.

Símon mun birta helstu fréttir frá Google I/O 2013 síðar í vikunni.

Sumarið kemur ekki að alvöru fyrr en vinahópar koma sér saman velja sér Evrópuþjóð og standa eða falla með sínu vali í Eurovision partyum. Nauðsynlegt er að vera með eitthvað app til að geta fylgst með hvað er að gerast í keppninni þegar skroppið er frá, hvort það sé rétt á klósetið eða til að forðast lögin sjálf. Stigakeppninn er þó alltaf skemmtileg (að mati höfundar).

Þegar appið keyrir sig upp biður það notandann um að skrá sig inn svo notandinn geti kosið. Notandinn þarf þá að annaðhvort búa sér til Eurovision.tv aðgang eða tengja sig inn á aðganginum sínum. Gefa þarf upp símanúmerið sitt og mun notandinn vera rukkaður eins og hann væri að taka þátt í kosningunni hérna heima (119kr smsið/símtalið)

Notandinn þarf að vera með PayPal aðgang til að geta kosið í gegnum appið og getur að hámarki kosið 20 sinnum.

Hægt er að sleppa við að skrá sig inn en þá er ekki hægt að kjósa í gegnum appið. Ef appið er ekki opið lætur það þig samt vita þegar einhverjir viðburðir eiga sér stað, td nýr flytjandi stígur á svið.

Appið hefur 8 valmöguleika:

Timeline: Hér er hægt að fylgjast með því helsta sem er að gerast hjá keppnishöldurunum(Svíþjóð)

Live Show: Hér er hægt að sjá hvaða lag er í gangi núna, sjá textann við lagið, fá áminningu að kjósa, kaupa lagið og upplýsingar um lagið. Appið skiptir á milli þeirra landa sem eru að flytja en hægt er að skoða þá sem eru þegar búnir að flytja.

Music Shop: Hér er hægt að kaupa öll lögin í keppninni, með því að velja á „Buy song“ er notandinn tekinn úr appinu of fluttur yfir á eurovision.tv síðuna þar sem lagið er keypt.

Sign up to vote!: Hér er hægt að skrá sig inn eins og appið byrjar á að gera þegar það er fyrst keyrt upp.

About the contest: Hér er hægt að lesa um sögu keppninnar

My Settings: Hér er hægt að tengja sig við twitter aðgang keppninnar og fá upplýsingar beint í blóðið um hvað sé að gera, einnig er hægt að skipta um tungumálastillingar.

Tems of use: Áhugaverðar upplýsingar um notendaskilmála appsins.

Privacy: Friðhelgisupplýsingar

Appið er frítt og til handa Android og iPhone notendum

Windowsphone notendur örvæntið ekki! App hefur verið hannað fyrir ykkur. Þó er ekki hægt að kjósa í gegnum það en hægt er að fylgjast með tweetum um hvað er að gerast sem og að horfa á myndbönd frá keppninni.

Þið getið nálgast það einnig frítt hér