Í gær sögðum við ykkur frá nokkrum Eurovision öppum fyrir Android. Nú kynnum við Eurovision spurninga-app sem er einungis til fyrir iOS tæki eins og er. Appið heitir Eurovision QuizUp og er framleitt af íslenska fyrirtækinu Plain Vanilla.

Appið er í sjálfu sér ekki mjög flókið. Þegar maður ræsir það upp í fyrsta skipti þarf maður að skrá sig inn. Það er hægt að gera í gegnum Facebook eða tölvupóst. Að skráningu lokinni getur maður byrjað að svara spurningum um Eurovision keppnina. Ástæðan fyrir því að maður þarf að skrá sig er sú að í appinu snýst þetta ekki bara um að svara spurningum rétt, heldur keppir maður við manneskju sem appið velur og fær stig fyrir rétt svar og stig fyrir að vera á undan að svara. Þetta skýrir sig allt saman sjálft um leið og maður byrjar að spila. Maður safnar stigum og getur séð hvernig maður stendur á heimsvísu og einnig hvernig maður stendur meðal samlanda sinna (þegar þetta er skrifað er ég númer 77 á heimsvísu og má þakka betri helmingnum þann árangur).

Appið lítur vel út eins og önnur öpp sem komið hafa frá Plain Vanilla. Fyrir þá sem hafa áhuga á söngvakeppninni er þetta virkilega skemmtilegt. Það er líka frábær útfærsla að láta fólk keppa sín á milli. Það er allt önnur tilfinning að keppa við Ara frá Íslandi og Pompeo S. frá Ítalíu en að keppa við computer!

Það er óhætt að mæla með appinu fyrir alla sem hafa áhuga á Eurovision og telja sig vita eitthvað um keppnina. Appið er frítt og segir í App store að það sé frítt í takmarkaðan tíma, svo drífið ykkur að tryggja ykkur eintak.

Eurovision QuizUp í App Store.

Heimasíða appsins.

P.s. Lúxemborg hefur unnið fimm sinnum! 

Simon.is á fleiri miðlum

Senn líður að því að við Íslendingar vinnum Eurovision söngkeppnina. Ég vil geta notað snjallsíma og/eða spjaldtölvu til að fá ýmsar upplýsingar á meðan keppninni og stigagjöfinni stendur og hef trú á því að ég sé ekki einn um það. Þess vegna fór ég á stúfana og kynnti mér helstu Android öppin sem eru í boði fyrir keppnina.

Það kom mér því á óvart þegar ég googlaði “Eurovision app 2012″ að einungis voru til óopinnber öpp, sem aðdáendur keppninnar hafa búið til. Ég leitaði einnig á play.google.com og fann þar nokkrar lausnir. Fyrsta appið sem ég prufaði heitir European Song contest 2012 eftir George Kiefer. Þetta glæsilega app inniheldur upplýsingar af heimasíðu keppninnar, um keppendur og keppnisstaðinn. Þetta er gjörsamlega tilgangslaust app. Samkvæmt umfjöllunum er appið með leiðinda auglýsingar, sem ég tók ekki eftir þar sem ég henti appinu um leið og ég sá hversu slæmt það var.

Næsta app sem ég skoðaði heitir European 2012 song contest eftir Khayyam og inniheldur myndir af keppendum og bara myndir af keppendunum. Þær eru jú flottar en ég sé ekki tilganginn í að vera með þær í símanum.

Eurovision 2012 video player eftir QUO?TE developers bíður upp á lokaframlag hverrar þjóðar fyrir sig í stórfenglegri háskerpu upplausn. Þetta er lang vinsælasta Eurvision appið á Android markaðnum. Þetta er ekki app fyrir mig því ég sé ekki tilganginn að vera með öll myndböndin í símanum mínum.

Ég hef gaman af Eurovision en þó aðallega stigagjöfinni og þeirri stemmingu sem myndast í kringum hana. Einnig hef ég gaman af  þeim þjóðum sem senda einhverja trúða. Ég trúi því enn að Ísland hefði átt að senda Botnleðju í Eurovision og í framhaldinu hefði þjóðin farið á hausinn mikið fyrr en hún gerði.

Opinbera Eurovision appið er bara til fyrir iOS tæki. Við hjá Simon.is munum að sjálfsögðu fjalla um það fljótlega.

Simon.is á fleiri miðlum

Ert þú ein(n) af þeim sem vilt deila öllu sem þú gerir með umheiminum. Nú geturðu hreinlega deilt allri þinni afþreyingu með  appinu GetGlue sem fæst frítt á Google Play og App Store.

Appið er líkt öðrum “check-in” öppum á markaðnum en GetGlue á aðeins við þína eigin afþreyingu.

Segjum að þú liggir uppi í sofa að horfa á Forrest Gump og fáir allt í einu löngun til að deila því með vinum þínumþ Þá opnarðu bara GetGlue og getur þá checkað þig inn. Þar getur maður fengið verðlauna límmiða (e. sticker) fyrir eða tekið þátt í virkum umræðum um myndina á sér spjallþræði.

Appið leyfir þér að checka þig inn á sjónvarpsþætti, kvikmyndir, tónlist, lestur, tölvuleiki og það sem þú ert að hugsa um.

Þegar þú ert svo búinn að velja afþreyingu þá geturðu valið það hvort þú dreyfir því með viðeigandi kommenti á Facebook, Twitter eða FourSquare.

Svo er bara að keppa við vinina um að checka sig inn á afþreyingu vikunnar og reyna að ná efsta sæti í öllum flokkum meðal vina.

Simon.is á fleiri miðlum

Áhugaverð uppfærsla átti sér  nýlega stað hjá Apple á Siri, rödd iPhone.

Þegar Siri var spurð hver besti snjallsíminn væri þá sagði hún að það væri Lumia 900 frá Nokia sem keyrir á stýrikerfi Microsoft (WP7.5). Uppfærslan fólst í því að svara þessari spurningu ekki með alvöru svörum, heldur segja að iPhone 4S síminn væri sá besti eða spyrja hvort notandinn væri ekki að grínast.

Siri notfærir sér þekkingar grunninni Wolframalpha til að svara spurningum sem notandinn spyr Siri að.

Við prófuðum  að spyrja Wolframalpha að þessari sömu spurningu, en fengum aðra niðurstöðu, en þó svipaða.

Ákvörðun Apple um að taka möguleikann út er engu að síður mjög áhugaverð.