Undarlega þegjandalegt er í kring um Icesave þessa dagana.

Bretar og Hollendingar fara sér engu óðslega.

Hagfræðingarnir segja, að úr þessu verði bara að leysa málið, sama hver lausnin nákvæmlega er.

Eins og allur vindur úr „við borgum ekki fólkinu“ eftir þjóðaratkvæðagreiðsluna.

Útlönd búin að gleyma Ólafi Ragnari forseta einu sinni enn.

Fólkið búið að gleyma niðurstöðunni og hvað hún átti að merkja sem skilaboð út í heim.

Nú taka bara embættismennirnir við einu sinni enn, láta eins og ekkert sé.

Ræða svolítið um innstæðutryggingakerfi og yfirþjóðlegar skuldbindingar.

Ræða svolítið um að Íslendingar eigi bágt og rétta þeim sama vaxtaafsláttinn og þeir gerðu í London og Haag.

Svo verður skrifað undir.

Og vinstristjórnin hverfur til hægriverka.

Að skera niður velferðarkerfið og ríkisútgjöldin.

R. 23. mars 2010

Til: Sveins Arasonar ríkisendurskoðanda
Frá. Jóhanni Haukssyni blaðamanni

Erindi: Framlög til aðildarfélaga í Sjálfstæðisflokknum árin 2002 til 2006.

Í lögum nr. 99 frá síðasta ári um framlög til stjórnmálaflokka og frambjóðenda árin 2002 til 2006 segir meðal annars:
„Ríkisendurskoðun skal að ósk stjórnmálasamtaka veita viðtöku og birta upplýsingar um öll bein fjárframlög til þeirra sem og önnur framlög sem metin eru að fjárhæð 200.000 kr. eða meira á árunum 2002 til 2006, að báðum árum meðtöldum, jafnt til landsflokkanna sem allra eininga sem undir þá falla eða tengjast rekstri og eignum flokksins, svo sem sérsambanda, kjördæmisráða, eignarhaldsfélaga og tengdra sjálfseignarstofnana. Þó er heimilt að undanskilja flokkseiningar ef tekjur þeirra eru undir 300.000 kr. á ári.“

Vakin er athygli á orðalaginu „ríkisendurskoðun skal að ósk ... veita viðtöku...“

Í ljósi þessa er spurt: Hefur ríkisendurskoðandi tekið við upplýsingum um fjárframlög frá neðangreindum aðildarfélögum eða flokkseiningum Sjálfstæðisflokksins að ósk þeirra sjálfra?

Vörður – fulltrúaráð sjálfstæðisfélaganna í Reykjavík
Félag sjálfstæðismanna í Vesturbæ og Miðbæ
Félag sjálfstæðismanna í Austurbæ og Norðurmýri
Félag sjálfstæðismanna í Nes- og Melahverfi
Félag sjálfstæðismanna í Lauganes- og Túnahverfi
Félag sjálfstæðismanna í Hlíða- og Holtahverfi
Félag sjálfstæðismanna í Langholtshverfi
Félag sjálfstæðismanna í Háaleitishverfi
Félag sjálfstæðismanna í Smáíbúða-, Bústaða- og Fossvogshverfi
Félag sjálfstæðismanna í Árbæ, Selás og Ártúnsholti
Félag sjálfstæðismanna á Kjalarnesi
Félag sjálfstæðismanna í Grafarholti
Félag sjálfstæðismanna í Grafarvogi
Félag sjálfstæðismanna í Bakka- og Stekkjahverfi
Félag sjálfstæðismanna í Skóga- og Seljahverfi
Félag sjálfstæðismanna í Hóla- og Fellahverfi
Hvöt, félag sjálfstæðiskvenna í Reykjavík
Málfundafélagið Óðinn
Heimdallur, félag ungra sjálfstæðismanna í Reykjavík
Samband ungra sjálfstæðismanna
Samtök eldri sjálfstæðismanna
Landssamband sjálfstæðiskvenna
Verkalýðsráð Sjálfstæðisflokksins
Sjálfstæðisfélag A-Skaftafellssýslu
Félag ungra sjálfstæðismanna á Hornafirði
Fulltrúaráðið Árnessýslu
Sjálfstæðisfélag Hveragerðis
Sjálfstæðisfélagið Huginn
Sjálfstæðisfélagið Óðinn, Selfossi
Sjálfstæðisfélagið Trausti í Flóa
Sjálfstæðisfélagið Muninn
Sjálfstæðisfélagið Ægir
Sjálfstæðisfélag Eyrarbakka
Sjálfstæðisfélag Stokkseyrar
Sjálfstæðiskvenfélag Árnessýslu
Hersir, félag ungra sjálfstæðismanna í Árnessýslu
Sjálfstæðisfélagið Fróði, Hellu
Sjálfstæðisfélag Kári, Hvolsvelli
Fjölnir, félag ungra sjálfstæðismanna
Fulltrúaráð V-Skaftafellssýslu
Sjálfstæðisfélag V-Skaftafellssýslu
Fulltrúaráðið Vestmannaeyjum
Sjálfstæðisfélag Vestmannaeyja
Eyverjar, félag ungra sjálfstæðismanna
Fulltrúaráð Grindavíkur
Fulltrúaráðið Gullbringusýslu
Sjálfstæðisfélag Grindavík
Sjálfstæðisfélag Sandgerðis
Sjálfstæðisfélagið Garður
Fulltrúaráð sjálfstæðisfélaga í Reykjanesbæ
Sjálfstæðisfélag Keflavíkur
FUS Heimir, Reykjanesbær
Sjálfstæðisfélagið Njarðvíkingur
Sjálfstæðiskvennafélagið Sókn
FUS Loki, Garður,Sandgerði og Vogar
FUS Freyja, Grindavík
Sjálfstæðifélagið Þór, Akranesi
Sjálfstæðifélagið Egill, Borgarnesi
Sjálfstæðifélagið Forseti, Snæfellsbæ
Sjálfstæðifélagið Gjafi, Grundarfirði
Sjálfstæðifélagið Sif, Stykkishólmi
Sjálfstæðifélagið Fylkir, Ísafirði
Sjálfstæðifélagið Mímir, Norður-Ísafjarðarsýslu
Sjálfstæðifélagið Bersi, Vestur-Húnavatnssýslu
Sjálfstæðifélagið Jörundur, Jörundur, Austur-Húnavatnssýslu
Sjálfstæðifélagið Víkingur, Sauðárkróki
Sjálfstæðifélagið Vörður, Akureyri
Sjálfstæðifélagið Verðandi, Dalvík
Sjálfstæðifélagið Mjölnir, Húsavík
Sjálfstæðifélagið Lögurinn, Egilsstöðum
Sjálfstæðifélagið Óðinn, Seyðisfirði
Sjálfstæðifélagið Hávarr, Fjarðabyggð
Sjálfstæðifélagið Stefnir, Hafnarfirði
F.u.s. Bessastaðahreppi
Sjálfstæðifélagið  Huginn, Garðabæ
Sjálfstæðifélagið  Týr, Kópavogi
Sjálfstæðifélagið  Baldur, Seltjarnarnesi
Sjálfstæðifélagið  Viljinn, Mosfellsbæ
Kjördæmisráð Sjáfstæðisflokksins í Suðurkjördæmi
Kjördæmisráð Sjáfstæðisflokksins í Suðvesturkjördæmi
Kjördæmisráð Sjáfstæðisflokksins í Norðvesturkjördæmi
Kjördæmisráð Sjáfstæðisflokksins í Norðausturkjördæmi
Kjördæmisráð Sjáfstæðisflokksins í Reykjavík

Hafi 70 ofangreindra félaga fengið 5 milljóna króna framlag samanlagt árin 2002 til 2006 nemur upphæðin samtals 350 milljónum króna.

Hafi 70 ofangreindra félaga fengið 10 milljóna króna framlag samanlagt árin 2002 til 2006 nemur upphæðin samtals 700 milljónum króna.

Berist svar frá embætti yðar verður það birt hér á þessum vettvangi.

Virðingarfyllst,
Jóhann Hauksson

Í Mannlífsviðtali á síðasta ári var Ólafur Ragnar Grímsson forseti Íslands meðal annars spurður um aðildarumsókn að Evrópusambandinu. Hvort hann teldi það valda meiri sundrungu að sækja um aðild eða hitt, að gera það ekki.

Við þessu taldi Ólafur Ragnar að væri ekki til einfalt svar en sagði:
“Ef hins vegar þeir sem að málinu koma tala í sífellu eins og trúboðar, handhafar hins heilaga sannleika, þá getur málið lent í öngstræti átaka og klofnings, líkt og gerðist með aðildina að NATO og deiluna um herinn á sínum tíma. Það er kannski erfitt fyrir yngri kynslóðir að átta sig á því hvernig þau mál klufu þjóðina, klufu fjölskyldur í andstæðar fylkingar, komu í veg fyrir að margir fengju að njóta sannmælis á sviði lista, vísinda og menningar. Mönnum var skipað í fylkingar á grundvelli afstöðunnar til þessara mála. Allt sem þeir gerðu var dæmt í ljósi þess hvort þeir voru með eða á móti NATO, með eða á móti hernum.”

Þetta er alveg rétt hjá Ólafi Ragnari. Ef til vill hafði hann í huga lýsingar á örlögum mætra manna sem lentu í hakkavél valdhafanna. Einn þeirra var Einar Olgeirsson, einn helsti leiðtogi sósíalista á síðustu öld. Í viðtalsbók Jóns Guðnasonar frá áttunda áratug síðustu aldar gefur Einar eftirfarandi lýsingu um skoðanakúgun og valdníðslu sem tengdist NATO og veru Bandaríkjahers í landinu:

"Hernámssinnar, sem tiltluðu sig lýðræðissinna, veigruðu sér hvergi við að beita persónunjósnum, atvinnuofsóknum og beinni og óbeinni skoðanakúgun. Fátt eitt af þessum ófögru athöfnum þeirra hefur verið skrásett, enda hafa aðeins fáeinir, sem urðu fyrir barðinu á þessum ófögnuði, sagt frá reynslu sinni opinberlega. Þögnin um þessa óhæfu stafar af því meðal annars að menn hafa óttast reiði yfirvalda og ekki viljað láta koma sér algerlega út úr húsi."

Það er ekki alveg laust við að reiðin vegna bankahrunsins hafi skapað nærandi jarðveg fyrir öfgar sambærilegar þeim sem að ofan er lýst. Menn flýja ekki land einvörðungu vegna skulda, atvinnuleysis og slakra kjara. Sumum er ekki vært í sínu föðurlandi, stimplaðir útrásarvíkingar, kúlulánafólk, Icesaveníðingar, föðurlandssvikarar, sjálftökupakk. Margir, sem eiga þess kost að flytja frá þessu, gera það. Aðrir sitja heima, fyrirlitnir og félagslega einangraðir.

Ég velti því fyrir mér hvort þetta geti gengið svona lengi. Ættum við ekki að leyfa réttarkerfinu að vinna sitt starf og leyfa því að fella dóma? Eigum við ekki að hlusta, skoða gögn málsins, og dæma menn á málefnalegum forsendum? Leyfa öllum að njóta sannmælis?

Ég veit ekki hvað best er að gera, en samúð mín er stundum vakin. Stundum veit maður ekki alla hluti og hrapar að ályktunum.

Lesandi bloggsíðu minnar vakti athygli mína á grein sem Tryggvi Þór Herbertsson fyrrverandi bankastjóri ritar í Moggann og hefur sjálfur eftirfarandi um Tryggva Þór að segja:

"Tryggvi Þór Herbertsson fyrrverandi bankastjóri Askar Capital sáluga skrifar opnupistil í Morgunblaðið í dag og gerir tilraun til að slá sig til riddara réttlætisins um leið og hann afhjúpar þekkingarskort sinn. Í pistlinum heldur Tryggvi því fram að ríkisstjórnin hafi í hyggju að taka það upp að afskrift skulda sé meðhöndluð sem skattskyldar tekjur. Maður hefði nú ætlað að hagfræðingur vissi að svo hefur verið áratugum saman og að það byggist á gildum rökum.

Láti til dæmis banki bankastjóra sínum í té bíl að láni og ákveði síðan að hann þurfi ekki að skila bílnum er það afskrift skuldar. Sama á við ef bankinn lánar honum fé til að kaupa bíl eða veitir honum kúlulán til að kaupa hlutafé og afskrifar svo lánin. Ætli mörgum þætti réttmætt að líta fram hjá því og skattleggja bara laun skrifstofumannsins sem látinn er ganga frá lánaskjölunum?

Staðreyndin er sú að í tillögum ríkisstjórnarinnar er ekki verið að búa til nýja skattlagningu eða nýjan skattstofn heldur er verið að leita leiða til að fella skattlagningu tekjur sem myndast við afskrift skulda niður í þeim tilvikum þar sem rök og sanngirni standa til. Í því efni er fyrst og fremst litið til afskrifta veðskulda vegna kaupa á íbúðarhúsnæði og venjulegra fjölskyldubifreiða. Ekki er talið tilefni til að hið sama gildi um lán til hlutabréfakaupa og
áhættufjárfestinga enda hafa þeir sem slík lán fengu margir hverjir nýtt hagnað af slíkum viðskiptum og safnað eignum þótt lánin kunni nú að vera í vanskilum.

Með vandlætingu sinni er Tryggvi ef til vill að reyna að breiða yfir vonbrigði sín yfir því að fyrrum eigendum bankanna, stjórnendurm og vildarvinum þeirra skuli ekki líka tryggð skattfrjáls afskrift brasklána. Hvers vegna skyldi pistilhöfundurinn Tryggvi titla sig prófessor við Háskóla Íslands, sem hann ekki er, en ekki sem fyrrverandi bankastjóri, sem hann er?"

Því vanstilltara sem öfgahægrið og ystavinstrið verður í landinu, því meir vaxa líkurnar á að upp úr sjóði milli þessara hópa.

Á meðan þjappa menn sér saman á miðjunni og leita nýrra leiða til skynsamlegra lausna um sambúðina við aðrar þjóðir, nýtingu náttúruauðlinda og eignarhald á þeim, peningamálastefnu og nýjan gjaldmiðil, ríkisfjármál og rekstur velferðarkerfisins. Í þessum hópi er drjúgur hópur sjálfstæðismanna.

Morgunblaðið hefur tekið afstöðu gegn þessum meirihluta þjóðarinnar með gælum við öfgasinnaða og ómálefnalega trúboða. Í leiðara blaðsins um helgina er látið að því liggja að stjórnvöld séu í hatursherferð gegn atvinnuvegum þjóðarinnar með því að hneppa þá í skattaáþján.

Er þetta lið, sem talar svona, sama liðið og vill ekki taka erlend lán til neinna verka, lækka skatta og brytja velferðarkerfið í spað?  Hvernig vill öfgahægrið brúa 50 milljarða gjá í ríkisrekstrinum? Prédikar það ekki sömu lausnir og repúblíkanar í Bandaríkjunum: Látum ríka fólkið vera, það mun snúa hjólum atvinnulífsins í gang og skaffa störf.
Fyrirgefið mér Davíð og Hannes: Það er búið að reyna þetta. Auðmenn Íslands fengu að valsa um eftirlitslausir með hörmulegum afleiðingum.

Dreginn er fram Hannes Hólmsteinn Gissurarson með Lafferkúrvuna sína og séreignarfanatíkerinn Ragnar Árnason sem um árabil var kostaður af sægreifum til fyrirlestrahalds um allan heim til að boða fagnaðarerindi þeirra um séreignarrétt á óveiddum fiski í sjó.

Þessir menn vilja nú slíta í sundur friðinn í landinu þegar stjórnvöld vilja láta reyna á fyrstu grein laga um stjórn fiskveiða, að auðlindin sé sameign þjóðarinnar.

Leiðarahöfundur Morgunblaðsins vitnar til nýrrar bókar áróðursmeistara HÍ Hannesar Hólmsteins. Þar er greinilega að finna gamlar lummur hans um að Ísland hafi siglt sinn eigin sjó,hvorki undir leiðsögn norræna velferðarlíkansins né undir merkjum ameríska draumsins og einkaframtaksins.
Samt lofaði þessi sami HHG “framfaratíð” leiðtoga lífs síns (DO) sem best heppnuðu frjálshyggjutilraun veraldar á ráðstefnum og í erlendum fjölmiðlum áður en allt hrundi.
Kenndi svo öðrum um þegar allt var hrunið.
Hvenær verður þessi Háskólatrúður sjálfum sér samkvæmur.

Þeir vitna hvor í hinn, Davíð og Hannes Hólmsteinn, þessa dagana. Sú var tíðin að Davíð hélt Hannesi til hlés til að skemma ekki fyrir Flokknum, til dæmis rétt fyrir kosningar.
Nú eru öll vopn notuð og gerast þeir fóstbræður nú háværir mjög.
Það er einkenni allra þrýstihópa og hagsmunasamtaka, að því minni sem áhrif þeirra og völd eru, því meiri er hávaðinn frá þeim í fjölmiðlum.