Leita
Áskrift | Fréttaskot | Auglýsingar Reykjavík: 12.9° 2m/s NE

  • ÍSLAND: SKILGREINING Á PÓLITÍK :)

    13. mars 2010

    Ætli þau í stjórnmálafræðinni viti af þessari skilgreiningu á pólitík?

    ---

    Lítill drengur kemur til föður síns og spyr, "Pabbi, hvað er pólitík?" Pabbinn svarar, "Ég skal reyna að útskýra það: Ég er fyrirvinnan á heimilinu, svo við skulum kalla mig Stjórnkerfið. Mamma þín sér um peningamálin, svo við skulum kalla hana Stjórnvöld. Við erum hér til að uppfylla þarfir þínar, svo við getum kallað... þig......... Fólkið í landinu. Barnfóstran, við lítum á hana sem Hina vinnandi stétt. og litli bróðir þinn, við getum kallað hann Framtíðina. Hugsaðu um þetta og sjáðu hvort að þetta útskýrir stjórnmál fyrir þér."

    Svo litli drengurinn fer í rúmið og hugsar um það sem pabbi hafði sagt honum. Seinna um nóttina heyrir hann litla bróður sinn gráta svo hann fer upp að athuga með hann. Hann kemst að því að hann er búinn að kúka í bleyjuna sína. Hann fer inn í hjónaherbergið og finnur þar mömmu sína sofandi, en engann pabba. Hann lítur þá inn til barnfóstrunnar. Þar eru dyrnar læstar svo hann kíkir á skráargatið og sér þar pabba sinn að hamast á barnfóstrunni. Hann gefst upp og fer aftur í rúmið.
    Næsta morgun segir strákur við pabba sinn: "Pabbi ég held að ég skilji út á hvað stjórnmál ganga!"
    Pabbinn svarar, "Nú? Leyfðu mér að heyra hvernig þú skilur þau."
    Og sá stutti svarar, "Nú, sko. Á meðan Stjórnkerfið hamast á Hinni vinnandi stétt, eru Stjórnvöld sofandi, Fólkið í landinu er hundsað og Framtíðin er í djúpum skít."

    Skrifa athugasemd

  • JÓNAS HITTIR NAGLANN Á HÖFUÐIÐ

    13. mars 2010

    Einmitt það sem ég vildi sagt hafa.

    Takk Jónas Kristjánsson:


    Færsla Jónasar:

    Meirihlutinn þarf að vera vís
    Ef ríkisstjórnin ætlar að keyra nýjan IceSave samning gegnum Alþingi, verður hún að vera viss um meirihlutann. Alls ekki gengur að skríða með ýmsum hætti gegnum einstaka liði laganna eins og um jólin. Með traustum meirihluta er leiðin fær, ef brezkir og hollenzkir viðsemjendur sætta sig við hana. Að öðrum kosti verður að setja IceSave í salt í nokkrar vikur eða mánuði. Fá með afbrigðum heimska þjóð til að skilja, hvað hangir á erlendu lánsfé, sem ekki fæst. Einhvern tíma neyðist fólk til að skilja, að endurreisn er háð lánsfé, sem ekki fæst núna. Nema með friðarsamningi við alþjóðasamfélagið.


    Skrifa athugasemd

  • SIGMUNDUR DAVÍÐ OG MAGNÚS ÁRNI

    12. mars 2010

    Fólk með öll skilningarvit í lagi ætti að fylgjast vel með orðræðu Sigmundar Davíðs Gunnlaugsonar formanns Framsókarflokksins.
    Hann ritar frekar einkennilega grein í Fréttablaðið í dag um Icesave, sakar stjórnarliða um óhróður gegn sér (Steingrímur J. nefndi fyrir skemmstu að einn í samningaliðinu vildi ekki semja og sagði svo að hann ætti við Sigmund Davíð þegar gengið var á hann síðar.).

    Í annarri hverri setningu hvetur hann til samstöðu.

    En samstaðan á að vera um hans vilja.

    Hvað vill Sigmundur Davíð?

    Hann vill dómstólaleiðina, stríð við Evrópu og svarar ekki þegar hann er spurður um 20.887 evru lágmarksskuldbindinguna.

    Eða stígur í og úr.

    Í umræddri grein segir Sigmundur Davíð einnig:

    „Fáeinir blaðamenn, sem lýst hafa sig eindregna stuðningsmenn ríkisstjórnarmeirihlutans í Icesave-málinu, virðast líta á það sem hlutverk sitt að hafa áhrif á atburðarásina fremur en að segja frá henni. Síðast rakst ég á klausu í dagblaði sem var uppspuni frá rótum. Klausan átti að lýsa ummælum formanns samninganefndarinnar um nálgunina í viðræðunum og mig. Þar var ekki eitt satt orð og raunar um fullkomin öfugmæli að ræða. Eigi að takast að leysa Icesave-málið sómasamlega verða allir stjórnmálaflokkar að vinna saman að lausn þess á rökréttan hátt með hagsmuni þjóðarinnar að leiðarljósi í stað þess að láta hagsmuni flokka eða óvild í garð annarra ráða för.“

    Er kjarkur hans ekki nægilega mikill til að nefna DV?

    Fjallað var ítarlega um Icesavemálið á Rás 1 í Danska útvarpinu í gær, Dammarks Radio.  Þar er rætt við Magnús Árna Skúlason hagfræðing og einn af fulltrúum Indefence. Magnús er sá sami og settist í bankaráð Seðlabankans fyrir hönd Framsóknarflokksins og Sigmundar Davíðs.
    Magnús vék sem kunnugt er úr bankaráði Seðlabankans eftir ásakanir um að hafa greitt  fyrir aflandsviðskiptum með gjaldeyri og unnið  gegn gjaldeyrishöftunum.

    Hann gæti hafa gert það í tengslum við fyrirtæki sem hann á og heitir NoNo ehf.

    Nú vil ég vita hvort Sigmundur Davíð hafi átt hlut í þessu fyrirtæki með Magnúsi Árna einhvern tíma eða unnið fyrir þetta fyrirtæki með Magnúsi.

    Fyrirspurnir um þetta berast ótt og títt til okkar hér á DV.

    Ég bendi Sigmundi Davíð að senda mér svar ef hann kýs: Netfangið er johannh@dv.is.

    Skrifa athugasemd

  • DANMARKS RADIO LÚSKRAR Á INDEFENCE

    12. mars 2010

    Fjallað var ítarlega um Icesavemálið á Rás 1 í Danska útvarpinu í gær, Dammarks Radio.  Þar er rætt við Magnús Árna Skúlason hagfræðing og einn af fulltrúum Indefence. Magnús er sá sami og settist í bankaráð Seðlabankans fyrir hönd Framsóknarflokksins og Sigmundar Davíðs Gunnlaugssonar formanns. Magnús vék sem kunnugt er úr bankaráðinu úr bankaráði Seðlabankans eftir ásakanir um að hafa greitt  fyrir aflandsviðskiptum með gjaldeyri og unnið  gegn gjaldeyrishöftunum.

    Á þessu var tekið í danska útvarpinu og spurningamerki sett við pólitískt hlutleysi Indefencehópsins.
    Í raun er gefið til kynna að Indefence sé liður í baráttu um völdin yfir landsstjórninni á Íslandi.
    Rætt er við Lars Houbakke Sörensen lektor við Árósaháskóla, en hann jafnar ástandinu hér við það sem uppi var á teningnum á Grænlandi fyrir skemmstu.

    Ekki verður sagt að íslenskir fjölmiðlar fái háa einkunn í úttekt danska útvarpsins sem áhugasamir geta hlustað á hér.

    Skrifa athugasemd

  • ÓBORGANLEGA FYNDINN ÞRÁINN

    11. mars 2010

    Þráinn Bertelsson, óháður þingmaður, er stundum óborganlega fyndinn. Það á við um þetta sem birtist á vefmiðli Smugunnar:

    „John Edgar Hoover hét yfirmaður Alríkislögreglunnar, F.B.I, í Bandaríkjunum. Hann gegndi því starfi frá stofnun hennar 1935 þar til hann sálaðist árið 1972 og stóð mörgum stjórnmálamönnum stuggur af honum og óttuðust að hann kynni að gera einhvern óskunda. Frægt er að sá kaldhæðni forseti Lyndon B. Johnson ákvað að hreyfa ekki við Hoover í forstjóraembættinu og sagði að sennilega væri illskárra að hafa hann inni í tjaldinu sprænandi út en fyrir utan tjaldið sprænandi inn. 

    Nú gengur það fjöllunum hærra að Jóhanna og Steingrímur hafi fengið svipaða niðurstöðu úr sínu reikningsdæmi og Lyndon B. Johnson á sínum tíma og ætli á nýjan leik að skjóta ráðherrastóli undir botninn á Ögmundi Jónassyni eftir vætusama fjarveru hans úr ríkisstjórnartjaldinu.

    Þá er vonandi að Ögmundur verði jafnsnyrtilegur og kassavaninn og Hoover og muni eftir því að spræna út í stað þess að freistast til að létta á sér inni í tjaldinu.“
     
    Í þingflokki Þráins þarf aldrei að gera neinar málamiðlanir og engin kaup kaups. Þar ríkir ævinlega eindrægnin og samstaðan sem óskandi væri að næði til allra þingflokka.



     

    Skrifa athugasemd




© 2010 DV ehf. - Allur réttur áskilinn