Mig grunar að Þorvaldur Gylfason hagfræðiprófessor byggi skrif sín á einhverjum gögnum þegar hann lætur að því liggja í grein í Fréttablaðinu í dag, að Evrópusambandið geti hugsað sér að koma því svo fyrir að Tyrkir geti gengið í EFTA og komist hálfa leið inn í ESB með aðild að Evrópska efnahagssvæðinu,EES.

Þá yrðu Norðmenn, Íslendingar og Tyrkir saman í EES!

Þorvaldur segir: " Frökkum, ÞJóðverjum og öðrum er umhugað að koma til móts við Tyrki án þess þó að veita þeim að svo stöddu færi á að semja um aðild að ESB. Sú spurning hlýtur að vakna, hvort til greina komi að bjóða Tyrkjum aðild að EFTA og EES-samningnum, þar eð hann felur í sér aukaaðild að ESB án áskriftar að sameiginlegri landbúnaðar- og sjávarútvegsstefnu ESB og án áskriftar að evrunni. EES-samningnum var einmitt ætlað að vera þjálfunarbúðir og biðstofa handa löndum sem þurftu tíma til að ákveða, hvort þau vildu gerast fullgildir aðilar að ESB."

Evrópusambandinu er með öðrum orðum nokkuð í mun að Tyrkir halli sér til Evrópu frekar en í austurátt. Íbúar Tyrklands eru um 70 milljónir.

Þorvaldur telur að með aðild Tyrkja að EES-samningnum mundi samningurinn gegna hlutverki sínu enn betur en nú.

Skemmtileg tilhugsun: Noregur, Ísland og Tyrkland í EES!