Í Sovétríkjunum voru þegnarnir látnir kjósa án valkosta í um 80 ár.  Mesta spennan varðandi úrslit tengdist því hvort kosturinn hefði hlotið 99.3  eða 99,7 prósent atkvæða.
Á þessu gekk nokkru skemur í Austantjaldslöndunum eða fimm til sex áratugi.

Nú hafa Bjarni, Sigmundur Davíð og Ögmundur  tekið upp þetta þrautreynda fyrirkomulag, en það verður notað í þjóðaratkvæðagreiðslu á vegum forseta Íslands á morgun.

Kosturinn sem hægt er að krossa við er   (  )  NEI

Þetta hefur verið útskýrt og þarf ekkert að þrasa um.

Ég bíð spenntur eftir tvennu:

A) Hvort kosningaþáttakan nær 40 prósentum,

B) Hvort 95,5 prósent eða 97,5 prósent þeirra sem greiddu atkvæði sögðu NEI.

Greint verður frá niðurstöðum kosninganna í dagblaðinu PRAVDA sem hefur aðsetur sitt og höfuðstöðvar í Hádegismóum.

Velkomin til Sovétríkjanna.

(Hugmynd að fyrirsögn: SAMNINGURINN FELLDUR Í RÚSSNESKRI KOSNINGU )