Bíðum við:

Ef Björgvin G. Sigurðsson þáverandi bankamálaráðherra og Jónas Fr. Jónsson forstjóri FME lugu engu um stöðu Landsbankans í eyru Hollendinga fyrir bankahrun, þá hljóta þeir að hafa sagt satt.

Nema þeir hafi trúað þeim upplýsingum sem Landsbankinn og aðrir bankar réttu þeim um stöðu þeirra, eigið fé og lausafjárstöðu.

Ef þeir trúðu þeim upplýsingum voru þeir auðtrúa nytsamir sakleysingjar sem vísa nú ábyrgð yfir til þeirra sem létu þeim í té slíkar upplýsingar.

Hvort er betra að vera lygari eða auðtrúa kjáni?

Hvernig er hægt að bera þetta á borð fyrir þjóðina? Meira að segja Baldur Guðlaugsson þá ráðuneytisstjóri í fjármálaráðuneytinu, sagði 29.júlí þetta örlagaríka sumar 2008 að ef upplýsingar, sem starfshópur um fjármálastöðugleika hafði í höndum um stöðu bankanna, yrði á almanna vitorði þá yrði það banabiti íslensku bankanna.

Ætlar Björgvin G. að viðurkenna einfeldningshátt eða hitt að vera lygari?

Hvort finnst honum betra?

Já vel að merkja. Því sagði hann af sér ef hann hafði sem bankamálaráðherra hreina samvisku?