Eitthvað hefur starfsmanni Pressunnar á fréttadeild fatast flugið í dag. Þar er að finna fyrirsögn á þessa leið:

„Danir samir við sig: Íslendingar sleppa miklu betur úr krísunni segir Politiken á forsíðunni“

Í umfjöluninni sjálfri segir:

„Danskir fjölmiðlar halda uppteknum hætti í  dag og halda neikvæðum fréttaflutningi í garð Íslands áfram í ljósi Icesave-deilunnar.  Á forsíðu Politiken í dag segir að Íslendingar sleppi miklu betur úr krísunni en áður var haldið og sleppi létt frá skuldbindingum sínum.“

Spyrja má: Er ekki jákvætt að sleppa betur frá krísunni...?

Hvernig væri fyrirsögnin á fréttasíðunni:   „Samtök atvinnulífsins halda áfram neikvæðum áróðri sínum gegn sanngjörnum kröfum Alþýðusambands Íslands“?