Ótrúlegt!

Sjálfstæðisflokkurinn ætlar að skila 55 milljónum króna af því að það komst í fjölmiðla að flokkurinn hafði þegið slíkar fjárhæðir!

Samrýmist það gildum flokksins að þiggja 55 milljónir króna af Hannesi Smárasyni og Björgólfunum þá og því aðeins að slíkum mútugreiðslum verði haldið leyndum í launhelgum flokksins?

Flokkurinn ætlar að opna bókhaldið fyrir allt árið 2006.

Hvernig væri að fá að sjá bókhaldið árin 2005, 2004, 2003 og 2002, já aftur fyrir einkavæðingu bankanna?

Ætli Sjálfstæðisflokkurinn eigi kannski líka gjaldeyrisreikning erlendis?

Gott væri að sjá samanburðinn frá öðrum stjórnmálaflokkum.

Mörg undanfarin ár hefur Ísland verið efst á lista yfir óspilltustu lönd veraldar hjá Transparency International.

Hverjir láta alþjóðastofnanir, sem fylgjast með spillingu, hafa upplýsingar um Ísland?

Eru þeir með flokksskírteini?

Eða lifðu þeir í sömu blekkingunni og við hin?