1. Shell, ESSO og BP seldu eldsneyti á sama verði í áratugi í hægindum samráðsins og skömmtuðu sér tekjur. Ástæða: meðvitundarlaus almenningur sem keypti bensín eftir stjórnmálaskoðunum en ekki verðlagi.
2. Svo kom Samkeppnisstofnun um miðjan tíunda áratuginn í krafti EES-samningsins. Sex ár liðu að grænmetismálinu.
3. Svo var gerð húsleit hjá olíufélögunum í desember 2001.
4. Sérhagsmunagæsluliðið greip til varna, meðal annars á Alþingi, pakkaði í vörn fyrir forstjórana. Ráðamenn hringdu og höfðu í hótunum við Georg Ólafsson þáverandi forstjóra Samkeppniseftirlitsins. Georg var lagður niður af Sjálfstæðisflokknum og Framsóknarflokknum 2005. Hann hafði snert hina ósnertanlegu. 
5. Enn liðu ár þar til almenningur áttaði sig á að ÞAÐ ER GLÆPSAMLEGT AÐ FARA MEÐ SAMRÁÐI OFAN Í VASA ALMENNINGS!

Allt er þetta spurningu um uppeldi, þekkingu og vitund. Við fengum regluverk að utan, svo fór meðvirk þjóð í uppeldi og veit nú að samráð er kríminellt.

Vitund kjósenda er takmörkuð og því erum við villuráfandi, með vondan fókus á hlutina og veitum lítið aðhald.
Þess vegna fór fjármálaelítan sínu fram og þóttist sitja á samráðsfundum um að bjarga þjóðinni frá bankahruni. Hún kaus að gera ekki neitt, fór ekki einu sinni að lögum.

Við megum ekki alltaf grípa í rassinn of seint.
Við getum alltaf farið með eina bæn kvölds og morgna og reynt að læra af henni:

Þeir sem öðlast forréttindi af einhverjum toga láta forréttindi sín aldrei af hendi átakalaust.