Í leiðaropnu Morgunblaðsins í gær er að finna grein eftir vissan Sigfried Hugemann (rétt stafað). Hann er titlaður ráðgjafi sem starfað hafi í bönkum í Svíþjóð, Þýskalandi, Englandi, Hollandi og Belgíu.

Þessi ákveðni Hugemann hefur all langt mál um Gamla sáttmála frá árinu 1262  og ófrelsi og fátækt þjóðarinnar undir oki erlendra afla frá fyrri tíð.

Hugemann ræðir svo þrjár auðlindir þjóðarinnar, fisk, orku og fólkið í landinu.

Greinin er áróður gegn inngöngu Íslands í Evrópusambandið.

Grein þessa dularfulla Hugemanns lýkur á eftirfarandi orðum: „Þrátt fyrir að mörg ljón séu í veginum má með sanni segja að varla sé til neitt land í heiminum sem eigi sér jafn vænlega og vongóða framtíð. Skorað er á Íslendinga að endurtaka ekki sömu mistök og forfeður þeirra gerðu árið 1262.

Ísland frjálst og erlenda yfirboðara burt! “


Þetta er stórbrotið. Ekkert - ég endurtek EKKERT - er að finna um þennan Hugemann á netinu annað en það sem amx.is hefur fjallað um grein hans, fréttavefur hægrimanna í landinu.
Jú,  fréttavakt.is vísar einnig í greinina.

Jón Frímann blogg tók sér það fyrir hendur að reyna að finna eitthvað um Sigfried Hugemann á netinu.
Sama hvað hann googlaði eða fór á leitarvefi eins og yahoo; ekkert fannst annað en þetta lítilræði sem hér er nefnt.
Sjálfur leitaði ég en fann ekkert umfram það sem hér er nefnt.
Mér þykir þetta jafn furðulegt og Jóni Frímanni.

Þetta er eiginlega stórfurðuleg ráðgáta. Hugemann er vel lesinn maður sem veit allt um Gamla sáttmála og tekur málstað ESB-andstæðinga svo ákaft upp: „Ísland frjálst og erlenda yfirboðara burt!“

Nú spyr ég Morgunblaðið:

- Get ég fengið afrit af frumútgáfunni af greininni þ.e. á þýsku, ensku eða á hvaða tungumáli sem hún kann að vera rituð?

- Getur Morgunblaðið gefið mér vísbendingu um það hvernig ég get fundið mynd af Sigfried Hugemann?