Ég tek eftir því að fjöldi fólks segir að Icesave-skuldirnar séu skuldir einkafyrirtækis sem honum beri ekki að borga.

Rétt er að Icesave-skuldirnar eru skuldir ríkisins. Skuldirnar urðu til með vitund, vilja og samþykki íslenskra stjórnvalda. Þau hjálpuðu Landsbankanum að safna sparifé saklausra Hollendinga og Breta fram í rauðann dauðann. Heimsþekkt endurskoðunarfyrirtæki, KPMG og PWC, hjálpuðu til við að blekkja almenning þangað til allt var um seinan. Hjá þeim var gerð húsleit í gær.

Fjármálaeftirlitið er eftirlitsstofnun ríkisins með bönkunum. Það getur aldrei fyrir rétti sagt að PWC og KPMG hafi blekkt sig.
Það væri svipað því að lögreglan héldi því  fram að allir glæpamenn blekktu sig alltaf.
Fjármálaeftirlitið hafði lagaheimildir til þess að setja sitt fólk inn í bankana væri eitthvað grunsamlegt á ferðinni. Gerði FME það? 

Auk þess átti Seðlabankinn alltaf að fylgjast með erlendri skuldastöðu bankanna. Í þágu almennings.

Hollendingar, Bretar, AGS og Norðurlöndin vilja vita hvort íslenska ríkið ætli að borga skuldir sínar eins og gerist og gengur í heimsviðskiptum meðal siðaðra þjóða. Allir vilja vita það fyrir víst áður en þeir lána okkur meira fé.

Eðlilega.