Þegar framsæknu blaðamennirnir Magnús Halldórsson, Þórður Snær Júlíusson og Þorbjörn Þórðarson ákváðu í vikunni að yfirgefa Morgunblaðið höfðu þeir áreiðanlega íhugað boðorð blaðamennskunnar sem mótast hafa um áratuga skeið aftur á nítjándu öld.

Jónas Kristjánsson hefur þær yfir á vef sínum en þær eru nú til eftirfarandi búningi:

1. Blaðamennska veitir fólki upplýsingar, sem gera það frjálst.
2. Skuldbinding hennar er fyrst og fremst við sannleikann.
3. Hollusta hennar er við borgarana.
4. Eðli hennar er leit að staðfestingum.
5. Hún er sjálfstæð gagnvart þeim, sem fjallað er um.
6. Hún er óháður vaktari valdsins.
7. Hún er torg gagnrýni og málamiðlana.
8. Hún reynir að gera það mikilvæga áhugavert og viðeigandi.
9. Hún er víðtæk og í réttum hlutföllum.
10. Hún má beita eigin samvisku.

Það er gott að vera sáttur við samvisku sína og sannfæringu.

Trúnaður Magnúsar, Þórðar Snæs og Þorbjarnar við ofangreind boðorð gerir þá að betri mönnum.

Ég óska þeim velfarnaðar.