"En hvað er það sem liggur í loftinu? Er það valdaþreytan í ríkisstjórninni? Hefur fólk fengið sig fullsatt á sjálfmiðuðu stjórnlyndi Davíðs Oddssonar og félaga? Mislíkar fólki hvernig gæðum og embættum ríkisins er úthlutað til flokksfélaga og gæðinga? Finnst því nóg komið af afskiptum stjórnarráðsins af fyrirtækjum og fjármálastofnunum landsmanna?
Öllum þessum spurningum má hiklaust svara játandi en þó er ekki nema hálf sagan sögð. Það væri mikil einföldun að halda því fram að þetta sé allt og sumt. Veruleikinn er talsvert flóknari. Það sem liggur í loftinu er krafan um að gefa stjórnmálunum og stjórnmálaflokkunum nýtt inntak og nýja ímynd."

"Það hefur dregið verulega úr trausti á öllum helstu stofnunum samfélagsins - ríkisstjórn, ráðherrum, alþingi, stjórnmálamönnum, stjórnmálaflokkum, lögreglu, kirkju, fjölmiðlum og menntastofnunum. Það kveður svo rammt að þessu að sjálft þjóðríkið nýtur ekki lengur trausts og þeim fjölgar sem draga í efa getu þess til þess að ráða flóknum verkefnum og vandamálum til lykta á farsælan hátt."

Höfundur: Ingibjörg Sólrún Gísladóttir í Borgarnesræðu 9. febrúar 2003.

HVAR ER SÚ INGIBJÖRG SÓLRÚN SEM SVO MÆLTI OG SAGÐI AÐ EITTHVAÐ LÆGI Í LOFTINU?