“Skýrsla Evrópunefndar verði grundvöllur nánari athugunar á því hvernig hagsmunum Íslendinga verði í framtíðinni best borgið gagnvart Evrópusambandinu. Komið verði á fót föstum samráðsvettvangi stjórnmálaflokka á Alþingi sem fylgist með þróun mála í Evrópu og leggi mat á breytingar út frá hagsmunum Íslendinga. Nefndin hafi samráð við innlenda sérfræðinga og hagsmunaaðila eftir þörfum.”
Til hægðarauka eru þau orð skáletruð hér að ofan sem Valgerður vildi fá í teskeiðum frá Ingibjörgu Sólrúnu. Á henni mátti skila að hún væri vantrúuð á að nýskipuð þverpólitísk evrópunefnd skilaði einhverjum árangri.
Ingibjörg vildi gefa nefndinni kost á að hefja störf; hún hefði óbundnar hendur.

Valgerður kallaði nefndina tvíhöfðanefnd líkt og eldri nefnd á vegum sömu stjórnmálaafla á tíunda áratugnum. Sú átti að endurskoða kvótakerfið. Fyrir henni fóru Þröstur Ólafsson og Vilhjálmur Egilsson. Ekkert var gert með tillögur hennar. Illu heilli, því nú hefur þjóðin orðið uppvís að mannréttindabrotum í nafni kvótakerfisins.
Annars gaf Ingibjörg til kynna að Framsóknarflokkurinn talaði samtímis tveimur tungum um Evrópumál í fjölmiðlum. Guðni hér og Valgerður þar. Rétt eins og flokkurinn væri tvíhöfða: Guðni talar gegn ESB og evru en Valgerður er þveröfugrar skoðunar.

Ætli bændur í norðausturkjördæmi séu ánægðir með ESB-afstöðu Valgerðar?