Ásgeir Jónsson forstöðumaður greiningardeildar Kaupþings ritar áhugaverða grein í Fréttablaðið 3. desember og segir meðal annars eftirfarandi um bankaleynd:

"Bankaleynd felur í sér þagnarskyldu bankastarfsmanna sem skapar persónuvernd fyirr viðskiptamenn en er ekki til þess að vernda bankamennina sjálfa. Fjárhagsupplýsingar eru viðkvæmar fyrir flesta ef ekki alla - óháð efnahag - þar sem þær eru hluti af einkalífi fólks.Upplýsingar um hvað fólk skuldar, hvað fólk á og í hvað fólk eyðir peningum er það sem þessi þagnarskylda verndar. Bankaleynd kemur því í veg fyrir að hægt sé að kúga fólk sem lendir upp á kant við stjórnvöld, stjórnmálaflokka, ríkisstofnanir, stórfyrirtæki eða jafnvel fyrrverandi maka með því að leka upplýsingum í fjölmiðla eða hvískra þeim með öðrum hætti inn í opinbera vitneskju."

Ég hef áður greint frá því í DV hvernig bankaleyndarupplýsingar um skuldir Styrmis Gunnarssonar fyrrverandi ritstjóra Morgunblaðsins við Landsbankann voru notaðar gegn honum af Davíð Oddssyni, Kjartani Gunnarssyni og fleiri forkólfum Sjálfstæðisflokksins fyrir meira en áratug. Væntanlega til þess að kúga Morgunblaðið til hlýðni við Flokkinn.

Svo vill til að Landsbankinn var þá í eigu ríkisins. Svo vill til að Kjartan Gunnarsson, framkvæmdastjóri Sjálfstæðisflokksins, sat þá í bankaráði Landsbankans.
Fyrir þann tíma hafði Morgunblaðið einnig komist yfir upplýsingar úr Landsbankanum um fjárhaghagslegt hrun  Sambandsins (SÍS).  Þær voru háðar bankaleynd. Það mál fór fyrir dóm. Agnes Bragadóttir blaðamaður á Mbl. þurfti ekki að segja til heimildarmanns.

Nú eru bankarnir aftur komnir í ríkiseigu. Eins og við manninn mælt er Morgunblaðið komið með upplýsingar í hendur sem háðar eru bankaleynd!

Þau kunna vinnubrögðin og þekkja gildi þeirra.

By the way: Hvað er Styrmir að þvælast í Seðlabankanum þessa dagana? Vantar bara Kjartan. Og Jón Gerald Sullenberger. Jón Steinar Gunnlaugsson er í næsta húsi.