Fyrir margt löngu  vann ég 4 til 5 ár meðfram námi við endurhæfingu drykkjusjúklinga og fíkniefnaneytenda. Það var afar dýrmæt reynsla.

Yfirlæknirinn sagði eitt sinn í fyrirlestri yfir vistmönnum að togaraskipstjórar hefðu síður en svo haft á móti því að ráða drykkjumenn í pláss hjá sér. Venjulega rann af þeim á leiðinni á miðin.

Ástæðan var einföld sagði læknirinn: „Þeir eru reknir áfram af sektarkennd og eru því vinnusamari og ósérhlífnari en aðrir sjómenn.“

Þetta rifjaðist upp fyrir mér þegar ég horfði á ráðherrana Geir H. Haarde, Ingibjörgu Sólrúnu Gísladóttur og Árna Mathiesen á blaðamannafundi í þinghúsinu í morgun.

Kannski er gott að hafa þau við stjórnvölinn. Þau eru rekin áfram af sektarkennd. Eru helmingi vinnusamari fyrir vikið.

Sektarkenndin er afl þeirra hluta sem gera þarf !  :-)