Þegar ég ók eftir Sæbrautinni niður í miðbæ Reykjavíkur í veðurblíðunni í dag varð mér hugsað til athugasemda bandaríska blaðamannsins Michael Lewis um hinn reykvíska útrásararkitektúr sem í byggingarsögu þjóðarinnar verður þekktastur fyrir að hafa nauðgað sjávarsíðu Skúlagötunnar:

„Ofan á nokkur þykk lög af arkitektúr sem kalla mætti Norræn gagnsemishyggja er þunn slikja sem án efa verður nefnd Asshole Capitalist. Dvergvaxnar byggingar sem hýsa opinberar stofnanir Íslands eru sjarmerandi og í samræmi við borgina. Hið sama er ekki hægt að segja um glerturnana við sjávarsíðuna sem ætlað er að hýsa nýríka fjármálamenn - og í leiðinni að byrgja útsýni allra annarra yfir hvíta hamrana handan hafnarinnar."

Mikilvægasta fegrunarframkvæmd borgarinnar verður að láta rífa þessa tildurturna.