Á þessum tveimur áratugum sem ég hef búið í USA hef ég alltaf haft augun opin fyrir hagstæðum símadæmum – hver býður upp á ódýrustu símtölin heim til Íslands.

Skype var fínt – og frítt ef sá sem maður hringir í  er líka Skypandi á hinum endanum, en svo er ekki alltaf.

Skömmu fyrir jólin stofnaði ég reikning á amivox.is. Enginn – enginn – kemst með tærnar þar sem þetta  íslenska fyrirtæki hefur hælana varðandi símareikninginn (og gæði, ekkert bergmál eða „delays“). Ég opnaði reikninginn með $20 (ca 2500 ISK, held ég) og síðan þá er ég örugglega búin að tala til Íslands (og Noregs og Frakklands) í nær heilan sólarhring samtals! Ég á enn eftir $7 á reikningnum!

Ég ráðlegg öllum sem þurfa að hringja mikið til útlanda að prófa þessa þjónustu. Maður stofnar reikninginn með gemsanúmeri. Kerfið virkar eins og símadömudæmið frá í gamla daga... Velur númerið af númeraboxinu á amivox vefsíðunni; nokkrum sekúndum síðar hringir kerfið í þig þegar búið er að ná í númerið á hinum endanum - og þú getur valið hvort kerfið hringir í heimasímann þinn eða farsímann, eða hvaða númer sem er, t.d. ef maður er að hringja frá hóteli er ekkert mál að láta kerfið hringja þangað - og tengir þig við hinn endann. Fleiri fítusar eru í þessu kerfi sem ég hef ekki lært á, en mér hefur meira en dugað að láta það bara hringja í gömlu landlínuna.

Besta símakerfið sem völ er á.