Dómstóll í réttarríkinu Ísland hefur komist að þeirri niðurstöðu að fyrrverandi forsætisráðherra landsins hafi sýnt af sér "stórkostlega vanrækslu" með því að kalla ekki saman ríkisstjórnarfundi eftir 7. febrúar og ljóst var að það væri allt að fara til andskotans. 

Geir Haarde finnst hún sprenghlægilegt, fáránleg og snúist um algjört formsatriði.
Hann er hrokafullur og hótar að fara með málið fyrir Mannréttindadómstól.  

Ég er fullkomlega sátt við niðurstöðu dómsins en hroki og brjálæðiskast fyrrverandi forsætisráðherra fór alveg með mig! 
Hvar er auðmýktin Geir? 

Vonandi höfum við, sem kjósendur, lært af þessu. Við hljótum að gera ríkari kröfur um almennileg vinnubrögð þeirra sem eiga að vera að vinna við að gæta hagsmuna okkar.
Núverandi og framtíðar- pólitíkusar hafa vonandi lært að þeir þurfi að vinna vinnuna sína og að orðið "ráðherraábyrgð" er ekki upp á punt.

Keep calm and carry on.  

Halldór Gunnar Pálsson, kórstjóri Fjallabræðra er á leið um landið til að fá rödd þjóðarinnar til að óma saman í lagi. 
Hann fer allan hringinn en byrjaði á Vestfjörðum.
Hérna er hægt að lesa um fyrirbærið og fylgjast með ferðalaginu.

http://thjodlag.is/

Texti af síðunni;

UM VERKEFNIÐ – RÖDD ÞJÓÐARINNAR
Halldór Gunnar Pálsson, Önfirðingur og kórstjóri Fjallabræðra er um þessar mundir að vinna að stóru verkefni sem „vonandi mun bera mig hringinn í kringum landið,“ eins og hann hefur orðað sjálfur. Halldór Gunnar hefur að undanförnu verið að vinna lag fyrir Fjallabræður sem hefur hlotið nafnið Ísland. Lagið er stórt og mikið og eru margir sem koma aðflutningi þess, þ.á.m Fjallabræður, hljómsveit Fjallabræðra, Unnur Birna Björnsdóttir og lúðrasveit Vestmannaeyja. Halldór Gunnar samdi lagið en textann samdi Jökull Jörgensen. Einsöng í laginu syngur Unnur Birna Björnsdóttir sem einnig kom að því að semja lagið. „Eftir að lagið fór að taka á sig mynd kviknaði sú brjálaða hugmynd að leggja af stað í það verkefni að ná að fanga „Rödd Þjóðarinnar“ inn á lokakafla lagsins.Samkvæmt þeim upplýsingum sem ég hef eru 10% þjóðarinnar skilgreiningin á rödd þjóðarinnar og hana ætla ég aðfanga,“ segir Halldór Gunnar.

En hvernig ætlar hann að fara að þessu?„Það er einfalt, ég ætla að keyra hringinn í kringum landið, stoppa á fyrirfram ákveðnum stöðum sem ég verð búinn aðhafa samband við og safna fólki saman til að láta það syngja. Og að ferðalaginu loknu verður öllum upptökum blandaðsaman til að mynda einn risastóran kór - rödd þjóðarinnar.“

Allir velkomnir: Halldór Gunnar mun hafa samband við kóra, leik,- og grunnskóla og aðra félagsstarfssemi í hverju byggðarlagi fyrir sig til að biðja fólk um að taka þátt en hann leitast einnig eftir öllum þeim sem vilja syngja með inn á lagið í hverju byggðarlagi. „Á hverjum stað sem ég heimsæki verður opið hús þar sem upptökur fara fram. Kafli lagsins er einfaldur og fljótlærður og mun það ekki taka langan tíma að kenna sönglínuna og taka hana upp,“ segir Halldór Gunnar.

Samstarfsaðilar: Pétur Kristján og Helgi Guðmundssynir hjá Trailerparkstudios munu fylgja verkefninu eftir við hvert fótmál og búa til sjónrænt listaverk við lagið þar sem land og þjóð fara með aðalhlutverk.

Markmiðið með þessu öllu saman er að reyna að sameina þjóðina í söng. Það er alveg klikkað ef að heil þjóð tekur sig saman í söng, það hlýtur bara að vera einsdæmi. Að verkefninu loknu verður lagið og myndbandið gert aðgengilegt öllum að kostnaðarlausu á vefsíðu verkefnisins sem verið er að vinna að.
Allar nánari upplýsingar veitir;
Halldór Gunnar Pálsson
Tölvupóstur : halldorgunnar@thjodlag.is
Sími : 660-9438

Af öllu því sem gengið hefur á síðast liðinn ár þá er verst af öllu að verða vitni af því að peningar skipta ennþá mestu máli. 
Þeir skipta svo miklu máli að fólk reynir að setja samhengi á milli þess að maður stingur risastórum hníf ítrekað í annan mann af því að fórnalamb hnífsstungunnar vinnur á lögfræðiskrifstofu.

Það er ótrúlegt að lesa setningar eins og "þolandi verður gerandi og gerandi verður þolandi" frá Marinó G Njálssyni. Honum finnst kannski að barátta hans fyrir réttlátari lánaskilmálum eftir hrun gefi honum leyfi til að kalla árásamann Skúla Sigurz geranda og snaróða dýrið þolanda.

Ég veit ekki í hvaða veröld Marinó lifir, eða Þór Saari..... eða formaður Hagsmunasamtaka heimilisins og þeir sem taka undir. 
Að fólk skuli leyfa sér að þykjast sjá orsakasamhengi á milli þess að snaróður maður með nokkurra þúsundkróna skuld vegna mótorhjóls stingur starfsmann lögfræðistofu af þvílíku offorsi og hatri að hann berst fyrir lífi sínu er með ólíkindum. 

Að fólk skuli leyfa sér að nota þann atburð sem einhversskonar þrýsting á stjórnvöld og innheimtuaðila til að verða við kröfum þeirra til að mæta skuldugum Íslendingum er með þvílíkum ólíkindum að það fólk mun aldrei verða marktækt aftur. Aldrei.

Þjóðir hafa gengið í gegnum hræðilega hluti. Hluti sem eru svo hræðilegir að það efnahagslega kaos sem hér ríkir er eins og barnaleikur í samanburðinum. Ef við förum að leyfa það að peningalegur bömmer sé settur á plan með morðóðum vitleysingum þá getum við pakkað saman siðferðisþrekinu eins og skot og leyft hverjum og einum að velja sér baráttumál og/eða bömmer til að drepa fyrir.

Veraldlegu drasli hefur aldrei áður verið gefið jafn mikið vægi á Íslandi og í dag.
Allir útrásarvíkingarnir til samans, með klappstýru og kóurum á þingi var aldrei gert eins hátt undir höfði og þessi ömurlega mótorhjólsdrusla sem óður maður reyndi að drepa fyrir.

Þið sem reynið að tengja þann snaróða mann við skuldamál þjóðarinnar ættuð kannski að reisa styttu af þessum manni. Það væri við hæfi þar sem hann virðist vera orðið beittasta vopnið í baráttu ykkar fyrir leiðréttingu lánþega. 

Ég hef skömm á þessum málflutningi ykkar. Djúpa skömm

uppfært
Ég tók út ljót nöfn sem ég notaði um árásarmanninn. Það var alls ekki við hæfi og ég gerði mig seka um að gleyma því að hann á aðstandendur líka. Ég biðst velvirðingar á því.

Til þeirra sem vilja kynna sér málin áður þeir dæma. Ég get ekki lengur orða bundist, öll þessi neikvæða umræða um vélhjólaklúbba sem hefur verið undanfarið fyllir mig ákveðnu vonleysi og fær mig til að efast um greind sumra samlanda minna. Nú vill Hrunráðherrann og þingmannsleysan Björgvin G. banna mótorhjólaklúbba ...og einkennisbúning þeirra.

Ég verð að draga greind hans og þeirra sem veita honum ráðgjöf í efa. Maðurinn hefur þær upplýsingar að 11 vélhjólaklúbbar á Íslandi séu stuðningsklúbbar Hells Angles og Outlaws, ég get í mest lagi og með smá vilja talið 5. Spurning hvort að ráðgjafahópurinn eða Taskforcið hjá Ríkislögreglustjóra verði ekki að fara að hysja upp um sig buxurnar og vinna fyrir laununum sínum.
Á Íslandi eru fjölmargir vélhjólaklúbbar starfandi og hafa nokkrir þeirra verið starfandi í mjög langan tíma, ég á vini í mörgum af þessum klúbbum og ég tel mig betri mann fyrir vikið, í kringum mótorhjólamennsku á Íslandi hef ég kynnst fjöldanum öllum af frábæru fólki, þetta er eins og tilheyra stórri fjölskyldu, þér er vel tekið og átt alltaf greiðan aðgang að hjálpsemi og vináttu, ef þú sýnir fólki virðingu þá færðu virðingu tilbaka.
Ég get skilið það að hinn almenni borgari hræðist vélhjólamenn, umfjöllunin er þannig að við erum öll glæpamenn og dópsalar, það eitt að við séum í vesti sem tilgreinir í hvaða vélhjólaklúbbi við erum, virðist vera nóg til þess að á okkur fellur þessi dómur. Mér er enn minnisstætt atkvikið þegar 2 sérsveitarmenn stöðvuðu mig á hjólinu og vildu fá að ræða við mig hvernig ég tengdist Hells Angels, þóttt það stæði skýrum stöfum á bakinu á mér Sturlungar Mc Hafnarfjörður, eftir þá reynslu mína fóru að renna á mig tvær grímur, kannski væru þessir lagana verðir sýnum merkjum ekki verðugir.
Það hlýtur að vera lágmarkskrafa að menn viti eitthvað um þann sem þeir rannsaka.

Það að vera í MC vélhjólaklúbbi hefur ekkert með það að gera að við séum glæpamenn og dópsalar, menn bindast í slíkum klúbbum ákveðnum bræðraböndum og eru sameinaðir um einn hlut, það að hafa áhuga á mótorhjólum. Ekkert meira eða minna.
Það að tengja alla glæpi sem menn fremja við þau félagasamtök sem menn gætu hugsanlega tilheyrt er fásinna og í raun alveg nýtt í Íslensku samfélagi. Ég er ekki viss um að Kiwanis, Rotary eða Oddfellowar væru sáttir við að vera alltaf tengdir við þá heimskulegu hluti sem sumir félagmanna þeirra hafa framið í gegnum tíðina. Get nánast fullyrt um það að þá væru þessir klúbbar þekktir fyrir fjársvik, nauðganir og kynferðisbrot. Það er jú mannlegt að hrasa á lífleiðinni en getur varla dæmst á þau samtök sem menn tilheyra. Ég skora á þessa menn sem eiga að vita allt um þokkur, að hitta klúbbana og fá að sjá hvað þeir gera í raun og veru, get lofað því að þessir menn yrðu reynslunni ríkari og fengju þannig réttann skilning á því hvað þetta gengur allt út á í raun og veru.
Ég er fráskilinn 4 barna faðir, á fyrirtæki, er með fólk í vinnu, skulda fasteignalán, borga skatta, versla í Fjarðarkaupum, fer í Kringluna, skamma börnin mín, er skammaður af foreldrum mínum og já ég er í vélhjólaklúbb og er stoltur af því.
Ásgeir H Ásgeirsson

Ég tók þátt í Búsáhaldabyltingunni og átti nokkuð oft samskipti við þig. Vertu nú svo vænn og mættu mér með þessar lygar þínar og segðu mér hvernig þú útskýrir það að mér of hinum sem tóku þátt hafi verið stýrt af stjórnmálaafli.
Nefndu stund og stað og ég skal mæta.