Klikkað að gera núna, eins og svo oft á þessum árstíma. Ég er að tala um vinnuna, ekki jólajóla-eitthvað. Ákvað samt að setja inn eitt stykki hraðfærslu og myndskreyta með fallegustu tvíburum í heimi, Ísak og Úlfi, barnabörnum systur minnar, sem leika þarna tvíhent píanókonsert númer eitt eftir Tjækovskí. Myndinni stal ég án nokkurrar miskunnar af heimasíðu þeirra bræðra.
Nú flæðir að við Langasandinn, jú, ég er heima núna og vinnnnnn. Öldurnar fara stækkandi, himinháar Miðjarðarhafsöldur, tærar og háværar, svona eins og mér finnst þær flottastar. Það líður svo að brjáluðu veðri sem á að skella á í kvöld, svo kemur annað tryllt á morgun. Jamm, alltaf gaman að veðri.
Hafið það svo gott og megi jólapúkinn (stressið) EKKI ná tökum á ykkur.