Guðmundur Hörður

Guðmundur Hörður

Guðmundur Hörður skrifar um umhverfismál og eitt og annað sem honum er efst í huga þá stundina. Hann er formaður Landverndar, situr í stjórn Félags umhverfisfræðinga á Íslandi og í nefnd Neytendasamtakanna um matvæli, umhverfismál og siðræna neyslu. Hann er menntaður umhverfisfræðingur og sagnfræðingur og hefur meðal annars starfað sem lögreglumaður, blaða- og fréttamaður, stundakennari við Háskóla Íslands, upplýsingafulltrúi og vefstjóri.

Blogg

Framtíðin vék fyrir fimmta forseta lýðveldisins

28. maí 2012 › 22:02

Ég hlakkaði til forsetakosninganna, enda eru allar kosningar lýðræðishátíð - veisla - partý. Það var líka svo margt sem við þurftum að ræða eftir umrót liðinni ára, til dæmis hrunið, hernaðinn, vistkreppuna, neyslumenninguna, sjálfsmyndina, lýðræðið, auðlindirnar, gjaldmiðilinn, flóttamenn, mannúðina, græðgina og hagvaxtarhyggjuna. Kosningabaráttan hefði getað orðið suðupottur nýrra hugmynda um sjálf okkur og framtíðina. Við hefðum getað skapað og þroskast. Við hefðum getað stillt falska strengi. Kannski fundið samhljóminn.


En nú er mánuður í kosningar og umfjöllunarefnið er Ólafur Ragnar Grímsson - með eða á móti! Hugmyndir véku fyrir persónum. Sköpun vék fyrir karpi. Þroski vék fyrir þráhyggju. Framtíðin vék fyrir fimmta forseta lýðveldisins.



Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.