Víðar en á Íslandi eru menn að huga að endurskoðun stjórnarskrár í kjölfar fjármálakrísunnar sem skekið hefur Vesturlönd. En sagan sýnir að stjórnarskrár eru einkum endurskoðaðar í kjölfar krísa. 

Slík vinna á sér nú til að mynda stað á Írlandi, í Belgíu og Lúxemborg. Svo dæmi sé tekið.

Í þessum ríkjum er gjarnan horft til vinnu Stjórnlagaráðsins okkar og lýðræðislegrar aðkomu almennings hér á landi. Sem víða þykir til fyrirmyndar. Írarnir ætla í byrjun nóvember að halda sérstakan málfund í Dublin um fyrirmyndina frá Íslandi þar sem ég á að tala. 

Hér er svo dulítið viðtal sem ég veitti Forum-tímaritinu í Lúxemborg. (Ensk útgáfa viðtalsins á vef, þýsk og frönsk í pappírsútgáfunni skilst mér).

Stundum finnst manni svolítið sérkennilegt að erlendir flölmiðlar og fræðimenn virðast hafa meiri áhuga á stjórnarskrárferlinu okkar en hér er. 

En kannski lagast það í aðdraganda atkvæðagreiðslunnar 20. október.

-eirikurbergmann.is