Skýrslan viðamikla um EES-samninginn sem ég sagði frá gær er nú komin út í Noregi: Utenfor og Innenfor.

Tugir fræðimanna hafa yfir ríflega tveggja ára skeið unnið sleitulaust að allsherjarúttekt á EES-samningnum sem nú er aðgengilegur í þessari 911 blaðsíðna skýrslu auk 21 sérstakra úttekta á ýmsum álitaefnum.

Ég starfaði fyrir rannsóknarhópinn um skeið og skrifaði meðal annars úttekt á Evróputengslum Íslands sem finna má hér. Í meginskýrslunni sjálfri er framlag mitt um Ísland helst að finna á bls. 304 – 307 og svo hér og þar í skýrslunni.

Annars eru tengsl Noregs við Evrópusamrunann í gegnum EES og Schengen sem hérna eru í fyrsta sinn rannsökuð heildstætt nokkurn vegin yfirfæranleg á Ísland. Svo skýrslan á eiginlega jafn mikið við um okkur og Norðmenn.